Neemiya 9:8 - Amazwi Yakwe Leza 2013

⁸ Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Neemiya 9:8 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 15:6

Abulamu ataila Yawe, nga pamulandu wa utailo wakwe Yawe azangila munoli amuzumila ukuya mololoke.

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

2 Samueli 22:31

Si lolini vino ivicitwa vyakwe Leza wii vyafumaluka, na vino amazwi yakwe akutailwa! Wene akoline wa cisyangu, kuli yao yonsi akalonda ukucingililwa na aliwe.

1 Milandu 1:14

Yebusi, Amoli, Giligasi,

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.

Ezila 9:15

We Yawe, Leza wa ina Izlaeli, wemo wewe mololoke! Watuzumilizya kuti tuye nu umi. Acino twailongwela amaifyo itu kunuli. Tusi ni nsambu zya kwiza apa manso yako.”

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Masamu 116:5

Yawe waya ni nkumbu nupya umusuma, ala Leza witu waya nu luse wakwe cimwi.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Ezekelo 33:24

“We mwana wa muntu, antu yano yakaikala mu matongwa yamu Izlaeli yavwanga yati, ‘Abulaamu wali sile wenga lino yamupiile impanga ii. Lelo swemo tuli aingi. Lyene fwandi impanga ii, iitu.’

Mpendwa 13:29

Aina Amaleke yakaikala mu Negebu, nga aina Hiti, na ina Yebusi, na ina Amoli yakaikala mu mpanga ya myamba. Na ina Kenani nayo yakaikala mu nkumba yakwe Yemba Muyenzu nu mu nkumba ya Luzi lwa Yodani.”

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Milimo 13:22

“Pacisila lino wamusisya, Leza acita Davidi kuya mwene wao. Vii avino Leza wavwanzile pamulandu na aliwe, ati, ‘Nati nzana vino Davidi mwana wakwe Yese, ali muntu wino umwenzo wane watemwa, wino alacita vyonsi vino nemo nkalonda kuti acite.’

Malango 26:3

Muce mwaya kuli simapepo wiyo alazanwa pa luti pa nsita kwene iyo nu kumunena muti, ‘Nene kwene ilelo nkuizumilila kuli Yawe Leza wane ukuti ningila mu mpanga ino walavile ivikolwe vitu ukuti alapeela sweswe.’

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Ayebulai 11:17

Utailo uwalenzile kuti Abulaamu apeele Isaki mwana wakwe kuya impolelwa. Cii cacitike lino Leza wezizye Abulaamu. Abulaamu awino Leza walavile, lelo wene waiteinye kupeela mwana wakwe wenga sile aye impolelwa.

Ayebulai 6:18

Lyene vintu vii viili, ulayo nu mulapo, vitangasenulwa nupya Leza pa kuviomvya atange atumpoke. Caleka swe muno twacingililwa na aliwe tukakomeleziwa cuze nu kulemasya na maka ku upaalilo uno uli nkolelo itu.

Yoswa 11:23

Acino Yoswa atoola impanga ilya yonsi, wakwe vino Yawe wapeezile ilamulo kuli Mose, nga aipeela ukuya icaupyanyi ku ina Izlaeli ukulingana ni mendela zya mitundu yao. Caleka mumu antu iyakwata upemwilo ku ulwi.

Yoswa 11:3

Atuma nu ku ina Kenani ku ufumondaka nu ku uwondaka, ku ina Amoli, ku ina Hiti, ku ina Pelizi, nu ku ina Yebusi mu mpanga ya myamba, nga nu ku ina Hivi aikalanga mwisika ya Mwamba wa Helimoni mu mpanga yaku Mizipa.

Yoswa 23:14

“Ndakai nemo lyene nasya mfwe. Mwemo mwensi mumanyile umu myenzo inu yonsi ukuti kusi nanti cimwi cisuma cino Yawe Leza winu wamulaya icitafikiliziwa. Vyonsi kwene vino walavile vyafikiliziwa.

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.