Neemiya 9:5 - Amazwi Yakwe Leza 2013

⁵ Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Neemiya 9:5 ပူးပေါင်းရင်းမြစ်များ

1 Yamwene 8:14

Lino iuvi lyonsi lya ina Izlaeli liciimi, alino Solomoni asenuka, alozya amanso ukuli iumba nu kuyapolelela.

1 Yamwene 8:15

Umu upolelelo wakwe avwanga ati, “Alumbanyiwe Yawe, Leza wa ina Izlaeli! Aliwe wafikilizya ulayo uno walavile tata Davidi, lino wamunenyile ati,

1 Yamwene 8:22

Solomoni pali pakuya imilila inkolelo ya kavuwa kakwe Yawe ala na antu yonsi yakumulola. Alino akatusya amakasa mupela,

1 Yamwene 8:27

“Uzye we Leza wewe ungikala na antu pa mpanga ya pano nsi? Nga vino iyulu ilitaikulila litange likukumane foo. Ale fwandi, uzye ing'anda ino ninkuula ali ino ingakukumana?

1 Milandu 16:36

Lumbanyini Yawe, Leza wa ina Izlaeli! Mulumbanyini ukutandikila ndakai mpaka nu ku muyayaya!” Nga antu yonsi yavwanga yati, “Ciye vivyo kwene.” Alino yalumbanya Yawe.

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

1 Milandu 29:13

Acino lyene, we Leza witu, tukukutaizya, nu kulumbanya izina lyako ilyalulumbi.”

1 Milandu 29:20

Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.

2 Milandu 20:13

Insita kwene ilya ala antu yonsi pyu a mpuka yakwe Yuda yatiyimilila pa mulola wakwe Yawe pamwi na aci yao na ana yao akulu na anono kwene.

2 Milandu 20:19

Lyene aina Levi, ana yakwe Koati na ana yakwe Kola ala yatiyimilila kuti yalumbanye Yawe, Leza wa ina Izlaeli, ala yakupundisya.

Ezila 3:11

Yimba inyimbo zya kulumbanya nu kutaizya Yawe, yala yakuti, “Yawe umusuma. Uluse lwakwe pa ina Izlaeli ulwa manda pe.” Alino antu yonsi ala yakutolelela nu kupunda apapezile amaka yao yonsi, iyalumbanya Yawe pamulandu wakuti umufula wa Ng'anda yakwe Leza watandike ukukuulwa.

Neemiya 9:4

Apa cintamba ca mbao pimilile aina Levi yaa, Yesyua, Bani, Kadimiyeli, Syebaniya, Buni, Syelebiya Bani na Keenani. Yonsi yaa yapundanga apa kupepa kuli Yawe Leza wao.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Masamu 106:2

Aweni angatantawila ivicitwa vyakwe Yawe ivyakuzunguka, nu kusimika amalumbo yakwe yonsi?

Masamu 134:1

Izini tulumbanye Yawe, mwensi mwe aomvi yakwe Yawe, mwe muno mukatumikila umu Ng'anda yakwe usiku.

Masamu 145:2

Namakutaizyanga amanda yonsi, nu kulumbanya izina lyako pe na pe.

Masamu 145:5

Yene yalalanda pa lulumbi nu ucindami wako, nga nemo ndaelenganya pa milimo yako yakuzunguka.

Masamu 146:2

Namalumbanya Yawe apa nsita ino ncili umumi, umu umi wane onsi namaimbilanga Leza wane.

Masamu 16:2

Nanena Yawe nati, “Wewe uli Mwene wane. Wewe uli cuma cane pasi namuze.”

Masamu 66:2

Imbini ulwimbo lwakulumbanya izina lyakwe lya lulumbi. Mulumbanyini mu lulumbi lwakwe.

Masamu 99:3

Yonsi yakamulumbanya, pano wacindama nupya uwalulumbi, icacumi wene uwamuzilo!

Kufuma 15:11

“We Yawe, uzye aweni muli tuleza angaya wakwe wewe? Kusi umwi munoyali angakolana nawe. Kusi umwi uwakwata maka avule cuze ukuluta wewe. Antu yonsi yakakoopa nupya yakakulumbanya pano kusi umwi angacita vizungusyo ivikulu wakwe wewe.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Danieli 2:20

avwanga ati, “Lumbanyini Leza amanda pe! Wene uwamano nupya waya na maka.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Malango 28:58

“Ndi mulakana ukuyela ningo amasambilizyo yakwe Leza yano yalembwa mu lupapulo luu, nupya ndi mwakana ukucindika izina ilyalulumbi nupya ilyakoofya lyakwe Yawe Leza winu,

1 Petulo 1:3

Lekini tutaizye Leza Isi wa Mwene witu Yesu Klistu! Wene watupeela umi upya pamulandu wa mizu yakwe akulu cuze. Wene wacisile cii lino walenzile kuti Yesu azyukuke kufuma ku afwe. Wene watupeela umi upya nga nu upaalilo uno usyasila.

Yakapingula 13:18

Umungeli wakwe Yawe aasuka ati, “Uzye pacani cino ukunguzizya izina lyane? Izina lii, ilya cipezya amano.”