Neemiya 9:37 - Amazwi Yakwe Leza 2013

³⁷ Ivikufuma umu mpanga itu kwene vyene vikuya kuli yamwene yano lyene watupeela kuti yatuteeka pamulandu wa kwifya kwitu. Lyene yakuicitila consi cino yatemwa apa mili itu napa viteekwa vitu. Iye mwe! Ala tucule!”

Neemiya 9:37 ပူးပေါင်းရင်းမြစ်များ

Ezila 4:13

Acili cino twati ica nsambu kuti tungamanyisya umusambazi. Pasi pano amala yamala sile uku kuula iviumba, ale yata nu kusonka umusonko. Lyene nanti umulaza wakwi sano ale casila wacepa.

Ezila 6:8

Ukulunda pali cico, ayakonkomezya kuti yacincizye antu nu kuyazwilizya mu mulimo wa makuule. Ni mpiya zyonsi zino antu yalasumba zilinzile zyafuma mu cipao ca kwisano, umu mpiya zino antu yakasonka ukufuma ku mbalama ya luzi lwa Yufulate apakukana undalizya umulimo.

Ezila 7:24

Mutakezye ukusonkesya yasimapepo umusonko nanti umwi, aina Levi, yakiimba ya nyimbo, yakalinda ya mpongolo, nanti aomvi yauze asyala amu Ng'anda ikulu yakwe Leza.

Neemiya 5:8

Niza nayanena nati, “Anyonko yaa, Ayuda, yano yakazilwe uku Akulukuwa, twayakulula apapezile amaka itu. Lyene nupya mwemwe kwene mwatandika ukukazya anyonko apakuti tuce tukayakulule nupya!” Nayo yatenzi kututu, ukwaula ukukwata ni vyakulanda.

Nyimbo zya ndosya 5:5

Yayo akutuzinganya yali cipicipi nanswe. Twanyukuntika, aula na pakufutila.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Yoane 8:33

Nao yamunena yati, “Sweswe amu mupanda wakwe Abulaamu, tutatala tuya azya ya muntu umwi. Uzye wemo walozya mwi lino wavwanga wati, ‘Mulakululwa?’”

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Malango 28:39

Mulalema imiti ya matingi nu kuitukwilila, lelo mutalatala mukulule amatingi kweneko nanti ukumwa waini uwapangwa ukufuma kweneko, pamulandu wakuti utuzizi tulayalya pyu.

Malango 28:48

Ali cino fwandi lyene mwailetelela, mumaombelanga anisi yano Yawe amatumanga ku kwiza muzanza. Mulauvwa inzala, nu lusala, nga mulapita tupu, nu kuulilwa muli vyonsi. Anisi inu yalamuzunya icikakate mpaka mukononwe.

Malango 28:51

Yaliza yamulile iviteekwa ni vyakulya vinu kwene, mpaka mukafwe ku nzala. Yene yatalamusila imbezu, nanti waini, nanti amafuta ya miolivi, nanti ing'ombe, nanti imfwele, mpaka mwemo mukafwe.