Neemiya 9:32 - Amazwi Yakwe Leza 2013

³² “Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Neemiya 9:32 ပူးပေါင်းရင်းမြစ်များ

1 Yamwene 8:23

nga apepa ati, “Iye, we Yawe, Leza wa ina Izlaeli, kutaya Leza akoline nawe pano pansi nu mwiyulu nanti pansi ya nsi! Wemo ukaiusya nu kusunga upangano wako na antu yako, nu kuyalanga ukutemwa ukwamuntaputuka, ndi yakucita ukulonda kwako.

2 Yamwene 15:19

Lyene Pulu umwene waku Asilya wazanzile mpanga ya Izlaeli. Alino Menaemu apeela umwene Pulu siluva amakilogalamu 34,000 apakuti amwazwilizye ukuteeka uwene wakwe.

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 17:3

Lino Syalimaneseli, umwene waku Asilya, wizile amulwisya, umwene Hosyea wene wizile acimba kunoli, amupeela nu musonko cila mwaka.

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

2 Yamwene 23:29

Lino Yosiya wali apa wene, Falao Neko umwene waku Eguputo waile ni vita vyakwe uku nkondo, uku Luzi lwa Yufulate uku kuya azwilizya umwene waku Asilya. Umwene Yosiya alonda ukulesya ivita vyaku Eguputo apa Megido. Na lino yacili yakulwa, ali vino yakomile Yosiya.

2 Yamwene 25:7

Alino Nebukadineza akoma ana aonsi yakwe Zedekiya apa manso yakwe Zedekiya. Alino Nebukadineza atonkola Zedekiya amanso, amunyepa mu minyololo, nga amusenda uku Babiloni.

Ezila 4:10

nga na antu yauze yano umusambazi Asyubanipali wafumizye kumwao nu kwiza ikala umu musumba wa Samaliya nu mu mpanga zyuze izyayela muno mbalama ya luzi lwa Yufulate.”

Ezila 4:2

Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Ezila 9:13

Vii vyonsi vyakutuzunya pamulandu wa maifyo ni viipe vitu vyasila, nga lelo swemo tumanyile ukuti wewe we Leza witu ukutuvunuka sile panono, ivitangalingana ni vicitwa vitu kuno yamwi pakasi kitu twatitupusuka.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 66:5

Izini mulole vino Leza wacita. Iye mwe, aliwe uwakoopa, pamulandu wa vintu vino wacitila antu!

Kufuma 18:8

Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Danieli 9:6

Tutasumvileko amano ku kuvwa ku yaomvi yako yakasema, yano yasemile umwi zina lyako, kusemela yamwene, yakateeka ni vikolwe vitu, nga na antu yonsi amu luko lulu.

Danieli 9:8

We Mwene, ala sweswe kumwi na yamwene itu, na yakateeka itu nga ni vikolwe vitu twaipupanya pamulandu wakuti twifya kunuli.

Aina Levi 26:18

“Nanti pacisila cakwe vii vyonsi, ndi mutakunjela, ndungilizya uvunuko winu maila cinimbali pamulandu wa kuntayela kwinu.

Aina Levi 26:21

“Ndi mwatwalilila kunkana nupya mwakana ukunjela, ndungilizya nupya uvunuko winu maila cinimbali.

Aina Levi 26:24

Lyene indi nu kwalukila panomuli nu kumuvunuka cuze, maila cinimbali ukuluta pa kuvunuka kwankolelo.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Malango 7:12

“Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Malango 7:21

Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.