Neemiya 9:26 - Amazwi Yakwe Leza 2013

²⁶ Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Neemiya 9:26 ပူးပေါင်းရင်းမြစ်များ

1 Yamwene 14:9

Lelo wemo wacita iviipe kuluta yayo yonsi akukolelile ukuteeka. Wemo wamfutatila pakuipangila tuleza tuze, nu unkolanya wa vyela kuti wayapepa.

1 Yamwene 18:13

Uzye watala uvwa ukuti lino Yezebele wakomanga yakasema yakwe Yawe nemo nafisile yakasema yamwi umwanda onga mu macele? Umwi cele lyonga mwali yakasema amakumi yasano, nu mulyuze namo amakumi yasano. Nupya anene nayatwalilanga ivyakulya na manzi.

1 Yamwene 18:4

Lino Yezebele wakomanga yakasema yakwe Yawe, Obadiya watozile yakasema yamwi ukulingana nu mwanda onga nga ayafisa mu macele yaili. Wene wafisile yakasema amakumi yasano mwi cele lyonga, nayauze amakumi yasano ayafisa mwi cele lyuze, nga ayapeela ivyakulya na manzi.)

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

2 Yamwene 21:10

Yawe ali pakuvwanga ku antu ukupitila muli yakasema aomvi yakwe, ati,

2 Yamwene 21:11

“Manase umwene waku Yuda watacita ivintu vii iviipe ivilusile vino aina Amoli yacita, yayo amukolelile. Nupya aliwe kwene uwalenga kuti aikazi amu Yuda yaifya apa kupepa utuluwi twakwe.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Neemiya 9:18

Nanti alino yamasile icimumbwa ca ng'ombe, cakwe munyela ni vyela, ale yakuti, ‘Wi ali Leza witu, uwatufumizye umu Eguputo!’ Nanti sile lilyo lyonsi lino yavwanzile amazwi ya misuli cuze kunuli.

Neemiya 9:29

Wemo uyasoka kuti nupya yatandike ukusunga masunde yako. Lelo yene yacita icilumba, yakana kuyela amasunde yako. Nanti angala kulondela amasunde ili nzila yakupeelelwamo umutende. Antu yaya yatalama, nupya yakana ukuyela.

Neemiya 9:30

Apa myaka iingi ala wayatekelela. Wayatezela nu kuyaceula ukupitila muli yakasema, lelo yene yatange yakuvwe nanti panono. Fwandi ali cino wasuka waleka anisi yao yayacimvya.

Masamu 50:17

Mwemo musilonda ukuti nemo inamukanzula, na amazwi yane, musiyalondela foo.

Yelemiya 16:11

Lyene uce uyanene vino Yawe wavwanga wati, ‘Apamulandu wakuti ivikolwe vinu vyantazyezile nu kulondelela tuleza tuze, yatutumikilanga nu kutupepa.’ Yene yantazyezile nupya yatawasile amasunde yane.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 42:19

Yelemiya nawe ali pakwasuka ati, “Mwe! Mwemuno mwasyalako mu ina Yuda Yawe wamunena wati, ‘Mutezya muyeko ku Eguputo! Mucimanye ukuti ni musoka mu wanda wilelo.

Nyimbo zya ndosya 3:42

“We Mwene, ala twifya kunuli nupya twakusangukila, nga nawe utatuyelu luse, awe.

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Mateo 21:35

Alimi yalema aomvi yakwe, yuma wenga, yakoma muze, nga wakwe citatu wene yamutama na mawe.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.