Neemiya 9:25 - Amazwi Yakwe Leza 2013

²⁵ Yapokolwile imisumba ya malinga, ni mpanga ivunde, amang'anda ni nkoma zya vyuma. Yapokolwile ni vifula vino yimba calimwi, imiolivi, imiti ya viseekwa, ni vyalo vya matingi. Yene yalyanga yikuta nga lyene pasi pakwina. Yene yailyokezyanga ivintu ivisuma vyonsi vino wayapile.

Neemiya 9:25 ပူးပေါင်းရင်းမြစ်များ

1 Yamwene 14:9

Lelo wemo wacita iviipe kuluta yayo yonsi akukolelile ukuteeka. Wemo wamfutatila pakuipangila tuleza tuze, nu unkolanya wa vyela kuti wayapepa.

1 Yamwene 8:66

Alino uwanda wakwe cinani, Solomoni asalanganya antu kuti yaye kumwao. Yonsi pyu apakupita yataizya Solomoni wakwe cimwi nu kupita yapita nu luzango ulukalamba sana apamulandu ni vintu ivisuma vitupu vino Yawe wacitile umuomvi wakwe Davidi pamwi na antu yakwe aina Izlaeli.

Neemiya 9:35

Lino yali umu mpanga yao isalale ino wayapile, iyo iyali ivunde, ivyuma vya mwenemo ala vili mbwee, lelo nalyo kwene yaposiwe ukuzenzuka nu kukutumikila.

Masamu 105:44

Wayapile impanga zya mitundu, nu kupokolola vino imitundu yaculile,

Masamu 65:11

Iye mwe! We vilyo nu wingi! Wewe ukuleka tutuuke cila mwaka! Konsi kuno we Leza wapolelela, ali kuno ni vilyo vikavulisya!

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Ezaya 6:10

Alino nupya anena ati, “Taa, leka antu yayo yaye muli sisi, yapulamike amakutwi, uyavimbe na pa manso, apakuti yatalola nu kuvwa yatuvwa, nupya yatailuka ni vintu. Pano limwi yangazenzuka nu kupola yapole.”

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 31:14

Indimula yasimapepo ni vinone, umutundu wane ulikuta ku visuma vyane.” Ivyalanda Yawe.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Danieli 11:24

Wene alazanza umuputule wa mpanga imwi umu kwiukizya nupya alacita ivintu vino kusi nanti wenga umu vikolwe vyakwe uwatazile acita. Lyene alankanya visampwe ni vyuma kuli yayo akamulondela. Nupya alumana akapi na yamwi kuti alwisye imisumba ya malinga, lelo atalaya ni nsita ikalamba yakucita cico.

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Malango 3:5

Imisumba iyo yonsi yakweti amalinga atali cuze, ni mpongolo ni mifikilo iyakupikilizya, nga kwali nu tumisumba utwingi ututakweti amalinga.

Malango 32:13

“Wene walesile yateeke impanga zya myamba, alino nu kuilyokezya ivyakulya vyamu vyalo vyao. Ali muno yapandanga uci mu mawe, ni miti yao iya miolivi nayo isapalala mu musili wa mawe.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.