Neemiya 9:17 - Amazwi Yakwe Leza 2013

¹⁷ Ivikana ukuyela, iviilila ni vinjelengwe vino wacisile apakasi kao. Vyumalala imyenzo nu kusolola intunguluzi yakuyaswilizya mu uzya ku Eguputo. Lelo wewe Leza wa luse, uwa cikuku na mizu, asisoka zuwa. Amizu yako akulu. Acino wemo utayatazyezile.

Neemiya 9:17 ပူးပေါင်းရင်းမြစ်များ

1 Yamwene 6:13

Nemo lyene ale namaikalanga pakasi ka antu yane mu Ng'anda ikulu yakwe Leza iya kwene iyakupepela mwenemo, ino ukunkuulila. Nupya ale ntalatala intazyele antu yane aina Izlaeli.”

1 Yamwene 8:57

We Yawe Leza witu sungala walukuya naswe, wakwe vino wayanga ni vikolwe vitu. Cingazipa ukuti utatutazyela nanti ukutufutatila.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Ezila 9:9

Twali azya, lelo wemo utatutazyezile. Wapile yamwene aku Pesya amizu akutuzumilizya ukwikala umu mpanga nu ku kuululula Ng'anda ikulu yakwe Leza. Wemo mwatupela umutende umu Yuda nu mu Yelusalemu.

Neemiya 9:31

Nga lelo apamulandu sile wamizu yako yakulisya, utatazile uyatazyele nanti ukuyonona foo. Wewe mwene Leza wa cikuku na mizu.

Masamu 106:13

Yakalauka ukwilila uku vicitwa vyakwe, kusi kulolela ukuti ayapanzyeko amano.

Masamu 106:7

Ivikolwe vitu umu Eguputo vitatezizye ivipezyamano vyako, vitiwisye nu luse lwako uluvule, vyatalamila umucindami kuli Yemba Muyenzu.

Masamu 130:4

Lelo wemo ukaelela amaifyo, caleka swemo tukakoopa nu kukupeela umucinzi.

Masamu 78:10

Yatasunzile ningo upangano uno yapangine na Leza, yakanyile nu kulondela amasunde yakwe.

Masamu 78:11

Yilile na vyonsi vino wacisile, ni vizungusyo vino wayalanzile.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Kufuma 32:9

Lyene Yawe atwalilila kuvwanga ati, “Namanya antu kwene yaa, yene yakoma imyenzo cuze.

Mapinda 1:24

Apakuzana ukuti namwamile namwe mwakana ukuyela, namusinizyanga namwe mwansuuzile,

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Ezekelo 5:6

Lelo Yelusalemu wii, wene wakana ukulondela amasunde yane, waipisya ukuluta imitundu yuze, watalama ukuluta ni mpanga zyuze zino zyamuzinguluka. Yelusalemu wakana ukusunga vipope vyane na masunde yane.

Danieli 9:9

Wemo waya na mizu nupya ukatwelela uluse, nanti angala twakusangukila.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Mpendwa 14:41

Lelo Mose avwanga ati, “Uzye pacani cino mukaniile ukuyela isunde lya mwene? Cico cene cisikuomba, mumaposiwa.

Mpendwa 16:14

Ala wemo utatuleta mu impanga iya uzombozi ukulu cuze nupya iivunde nanti kutupela impanga nanti vyalo vya matingi vino tungapyana. Si manye ukwezya ukutusomba? Awe, tusikwiza kweneko!”

Milimo 7:39

“Lelo vikolwe vitu vikana kumuyela. Vyamukankile ku mbali vyelenganya ukuti cange cizipe kuswilila ku Eguputo.

Loma 9:15

Pano Leza wanenyile Mose ati, “Ndaya na mizu kuli wino nkasi kuyela mizu, nga ni nkunkunsi kuli wino nkasi kuyela nkunkunsi.”

Ayebulai 12:25

Caleka tekelini, nupya mutakana kuuvwa kuli wino akuvwanga. Yao akanyile kuuvwa kuli Leza lino wavwanzile kunoyali kupitila muli Mose, yatatuuzilwe. Uzye lyene swemo tungatuulwa uli ndi twakana kuyela wino akuvwanga kunotuli kufuma kwiyulu?

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.