Neemiya 9:13 - Amazwi Yakwe Leza 2013

¹³ Wizile utentemukila apa Mwamba wa Sinai. Apano wemo wavwanzile ku antu yako ukufuma umwiyulu, nu kuyapeela amasunde alungame nupya ampomvu, ni vipope na malamulo asuma.

Neemiya 9:13 ပူးပေါင်းရင်းမြစ်များ

2 Yamwene 17:37

Lyonsi muce mwalondela ivyeo vyane na masunde yane yano namulembile. Mutakalondele tuleza tuze.

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Masamu 119:137

Wewe kacita wa vyaololoke, we Yawe, na masunde yako acumi.

Masamu 119:160

Amazwi yako yonsi acumi, nu upinguzi wako onsi uwa ulungi pe na pee!

Masamu 119:4

We Yawe wakonkomizye ivyeo vyako ukuti vyasungwa ningo.

Kufuma 16:23

Alino Mose azinena ati, “Yawe watapeela ilamulo ukuti mutondo uwanda wa kupuza, uwanda wi Sabata uwapaatulwa kuli Yawe. Mupange umukate onsi uno mukulonda, nupya mweleke consi cino mukulonda kweleka. Ivyasyala muvisunge pa mbali mpaka mutondo.”

Kufuma 19:11

Lyene yaiteyanye pa wanda uwalenga yatatu. Pa wanda kwene uwo, ne Yawe indiika pa Mwamba wa Sinai, lino antu yonsi yakulola.

Kufuma 20:1

Lyene Leza avwanga amazwi yaa yonsi ati,

Kufuma 20:22

Lyene Yawe apeela ilamulo kuli Mose kuti akanene aina Izlaeli ati, “Ndakai mwatimuvwa vino Ne Yawe natimvwanga kunomuli ukufuma mwi yulu.

Ezaya 64:1

We Yawe, uzye pacani cino utangalepula amayulu nu kwika pano nsi? Uzye pacani imyamba ikaizakazila pakulola wewe,

Ezaya 64:3

Kuli insita imwi ino wemo wizile ku kucita vyakoofya antu, ino swemo tutenekile. Imyamba yakuweni itandika nu kuzakaza sile uku ntete.

Habakuku 3:3

Leza umwisikulu ali nu kwiza iila lyakwe ciili ukufuma ku Edomu. Leza wamuzilo ali nu kwiza ukufuma ku myamba yamu mpanga ya Palani. Ucindami wakwe wakupa iyulu, ni nsi izilemo ululumbi lwakwe.

Loma 7:16

Lino nacita cino ntali nkasi kucita, ala cii cikulanga kuti nkazumilizya vino Masunde asuma.

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Malango 4:33

Uzye kwatala kwaya antu yamwi acili apuma yano yatala yuvwa kuno Yawe wavwangila mu moto, wakwe vino mwemo muvwile?

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

Malango 4:8

Kusi umutundu uze nanti onga, nanti ungakula uli, uno wakwata amasunde aulungami wakwe yao yano natimusambilizya apilelo.

Malango 5:4

Kuku kwene pa mwamba ali pano Yawe wavwanzile kunomuli pa manso inu ntontonto ukufuma mu moto.