Neemiya 9:11 - Amazwi Yakwe Leza 2013

¹¹ Wapaalwile yemba apa manso yao. Lyene uyatungulula yapita apakasi na nkasi apuume ndi. Lelo anisi yao ayalondelile yene wayasumba umwi ziya, wi we lino yavwintila umu luzi lwa mukuku.

Neemiya 9:11 ပူးပေါင်းရင်းမြစ်များ

Masamu 66:6

Wasangwile yemba umusili uume ndi, ni vikolwe vitu ali pakulamba pansi ni ngazo. Ndanji tuzange ni nsansa pali cino Leza wacisile.

Masamu 78:13

Wankinye yemba apakasi, apano ayapisya, aimika amanzi ungati ulung'umba.

Kufuma 14:14

Yawe aliwe amamulwila ulwi. Mwemo mwikale sile myaa.”

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Kufuma 14:29

Lelo aina Izlaeli yalamba yemba pa musili uume ala amanzi yatiyapaatukana mbali ziili wa lung'umba kuu na kuu.

Yelemiya 32:20

Awewe wacisile ivimanyililo ni vipezyamano mu mpanga ya Eguputo nupya avino ukacita ukufika na pali ndakai mu ina Izlaeli nu mu antu yonsi. Wailonkela izina lino ukweti apilelo.

1 Kolinto 10:1

Inane, nkulonda kumwiusya vintu vino vyacitikile vikolwe vitu vyonsi ivyalondelanga Mose. Vikolwe vitu vyonsi vyacingililwe ni kumbi, nga nu kupita mutende muli Yemba Muyenzu.

Ayebulai 11:29

Utailo uwalenzile kuti aina Izlaeli yalambe Yemba Muyenzu kwati apa musili ume. Lelo aina Eguputo lino yezizye kucita cili conga, yene yamwela.

Umbwilo 18:21

Alino mungeli wa maka anyemula ciliwe cakusilapo cikulu cuze acisumbila muli yemba, avwanga ati, “Vii avino Babiloni musumba ukulu ulasumbwa pansi na maka, nupya wene utalatala uloleke.