Neemiya 9:1 - Amazwi Yakwe Leza 2013

¹ Apa wanda uwalenga amakumi yaili na yani uwa mwezi kwene uwa, aina Izlaeli yonsi pyu yakongana uku kuifuntusya ku lunkumbwa lwa kulya icilyo. Lilyo ala yazwite ivisamu nga ala yatiyaiswela ni twi ku mitwe.

Neemiya 9:1 ပူးပေါင်းရင်းမြစ်များ

2 Samueli 1:2

Pa wanda uwalenga yatatu ikwiza umuntu umwi ukufuma ku nkambi yakwe Saulo, ala azwite ivyakuzwala ivilepuke. Alino ku mutwe wakwe ala kuli swe ku lukungu. Lino wafika kuli Davidi apona pansi afukama nu kumukunkwila pa kulanga umucinzi.

2 Milandu 20:3

Lilyo kwene Yeosafati auvwa intete nga aelenganya ukulenga amano kuli Yawe nu kupeela ilamulo ku antu yonsi umu mpanga yakwe Yuda kuti yatale yafunge ukulya.

2 Milandu 7:10

Alino apa wanda uwalenga amakumi yaili na yatatu umu mwezi wakwe cinimbali, Solomoni aleka ukuti antu yaswilile kumwao. Nayo apakuswilila ale yatiyazanga nu kuzanga wakwe cimwi umu myenzo yao apamulandu nu usuma onsi uno Yawe wacitile Davidi, Solomoni nu mutundu wakwe uwa ina Izlaeli.

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Ezila 8:23

Acino naswe pali pakusazya ukulya, ituwaka sile ukupepa Leza pakuti awino atucingililako, nga nawe auvwa amapepo itu.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.

Esita 4:16

“Yanga ukakonganike Ayuda yonsi amu musumba wakwe Susa, nga mumpepele kweneko. Mutaezya ukulya nanti ukumwa apa manda yatatu, usiku nanti umusanya kwene. Nani kwene kumwi na aomvi yane akazyana avino tumacita. Lino cii cacitika, lyene ndaya ku musambazi, nanti caindwa ukulingana ni sunde. Ndi cakuti indi nu kufwa, kankafwe.”

Esita 4:3

Alino nu mu vitungu vyonsi namo kwene mwafisile impwelo yandosya izya Ayuda, alino nu kuizilizya ukulya. Aingi nayo yalalanga ala yatiyazwala ivisamu nu kuiswela nitwi.

Yobo 2:12

Walanga sile lino yacili patali yamulola, lelo ala yatiyamuponga. Nga walanga yapalama kunoli, yamumanya nga yalukusya na minsozi. Alino iyalepola ni nsalu zyao pakulanga ulanda. Lyene iyatola ni twi nu lukungu, iyaiswela ku mitwe yao.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Aina Levi 23:34

“Nena aina Izlaeli, uti, ‘Cimulo ca nsakwe cikatandika pa wanda uwalenga ikumi na isano, mu mwezi wakwe cinimbali nu kutwalilila pa manda cinimbali.

Aina Levi 23:39

“‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Yoswa 7:6

Lyene Yoswa alepula insalu zyakwe nga afukama pansi afupime ku nkolelo ya Mbokosi ya Upangano yakwe Yawe, alali papa kwene mpaka nalino ilanzi lyawa. Intunguluzi zya ina Izlaeli nazyo izicita icili cimwi, nga iziisansa ulukungu pa mitwe.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”

Yakapingula 20:26

Lyene aina Izlaeli, antu yonsi kwene, iyaswilila ku Betele, nga kuku pasi pakulosya pa manso yakwe Yawe. Uwanda ulya yatalile nanti kamwi ukufika nalino ilanzi lyawa nga yapeela Yawe amawila yakoca nga na mawila ya utandano.

1 Samueli 4:12

Uwanda kwene ulya umuntu umwi uwamu mutundu wakwe Benjamini atandika ulwilo ukufuma ukwayelile ulwi nga aya afika ku Syilo. Umuntu wilya pakulanga ulanda uno yali nao, alepola ivyakuzwala vino wazwite nu kuisansa ulukungu ku mutwe.

1 Samueli 7:6

Acino yonsi kwene iyakongana ku Mizipa. Alino iyatapa amanzi nu kwitila wa wila uwapeelwa kuli Yawe. Lyene iyata nu kulya pa wanda ulya onsi. Iyavwanga iyati, “Twatitwifya kuli Yawe.” (Fwandi ku Mizipa kwene kuli kuno Samueli wapingwililanga aina Izlaeli.)