Neemiya 8:8 - Amazwi Yakwe Leza 2013

⁸ Aina Levi yayo yawelengela nu kulondolwela antu Lupapulo lwa Masunde yakwe Leza, apakuti yanguvwa muno lwalola.

Neemiya 8:8 ပူးပေါင်းရင်းမြစ်များ

2 Yamwene 23:2

Yonsi pamwi ali pakuya ku Ng'anda ikulu yakwe Yawe, kumwi na yasimapepo na yakasema, na antu yonsi aku Yuda na amu Yelusalemu, akama na apina kwene. Yosiya ali pakuwelengela antu amazwi yonsi amu Lupapulo lwa upangano, luno yazanyile mu Ng'anda ikulu yakwe Yawe.

Ezila 4:18

“Kalata wino mwandembile napoka. Yambelengela nu kundondolwela ivyayamo.

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Neemiya 8:7

Lyene aina Levi yaa: Yesyua, Bani, Syelebiya, Yamini, Akubu, Syabetai, Hodiya, Maaseya, Kelita, Azaliya, Yozabadi, Hanani na Pelaya, iyalondolwela antu isunde. Lilyo ala antu imilile papa.

Neemiya 8:9

Alino lyene umulasi Neemiya, Ezila simapepo na kalemba, nga na ina Levi nayo ale yakulondolwela antu yonsi. Iyayanena iyati, “Uwanda wilelo upolelelwe, upaatwilwe kuli Yawe, Leza winu. Cisi cakwezya kuti muuzikwe nanti ukulukusya aminsozi.” Pano antu yonsi yalilanga aminsozi lino yuvwa amazwi ya Masunde yayo. Ali cino yavwangile vivyo.

Neemiya 9:3

Cila muntu aimilila apa ncende yao, ala yakuyawelengela mu Lupapulo lwa Masunde yakwe Yawe Leza wao. Apa nsa zitatu ala yakuwelenga nu kupituluka umu Masunde yakwe Yawe. Alino nupya apa nsa zyuze zitatu yafukama nu kupepa nu kuilongwela amaifyo kuli Yawe Leza wao.

Ezekelo 46:10

Intunguluzi ili nu kuya pamwi na antu, lilyo lyonsi lino yakwingila nalino yakufuma apanzi.

Habakuku 2:2

Yawe wangaswike ati, “Lemba umbwilo uu, uulembe ningo apa vipampa, kuti umuntu uwalola awelenge ukwaula intazi.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:32

Nao yavwanzyanya yati, “Uzye myenzo itu itali ikupya uku luzango lino wali akulanda naswe mu nzila, nu kutulondolwela malembelo?”

Luka 24:45

Lyene akupulula myenzo yao kuti yamanye malembelo.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.