Neemiya 8:10 - Amazwi Yakwe Leza 2013

¹⁰ Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Neemiya 8:10 ပူးပေါင်းရင်းမြစ်များ

1 Yamwene 8:66

Alino uwanda wakwe cinani, Solomoni asalanganya antu kuti yaye kumwao. Yonsi pyu apakupita yataizya Solomoni wakwe cimwi nu kupita yapita nu luzango ulukalamba sana apamulandu ni vintu ivisuma vitupu vino Yawe wacitile umuomvi wakwe Davidi pamwi na antu yakwe aina Izlaeli.

1 Milandu 16:27

Ululumbi nu usambazi vimuzingulwike, amaka nu luzango vili mu wikalo wakwe.

Neemiya 8:11

Aina Levi apa kumyalalika antu nayo yavwanzile yati, “Myalalini, pano uwanda uu uwa muzilo. Mutateza nanti cimwi.”

Neemiya 8:12

Caleka antu yonsi iyapita kumwao ku kulya nu kumwa. Iyatumila nauze tumwi tumwi nu kusansamuka wakwe cimwi, apamulandu wakuti yuvwikisye muno ivintu vino vyawelenzilwe vyalola.

Esita 9:19

Uli mulandu uno mungazana ukuti Ayuda akaikala umu mizi yapuzanga apa wanda uwalenga ikumi na yani, umu mwezi wakwe Adali. Ali muno yazanganga nu kucita amalila alino nu kupeela ivyawila ni vyakulya uku yauze.

Esita 9:22

Ali manda yano Ayuda yakulwilwe uku anisi yao. Amanda yamwi yano ulanda wasangwike uluzango nga nu kulila kwao kwasangwike insansa. Wayalembela nu kuti yangazanga nu kucita amalila mu manda yayo, nupya yapeelana ivyawila nu kusakamala alanda.

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 89:17

Pano yene yasintilila mu lulumbi na maka yako. Mu luse lwako ukatupela ucimvyo.

Mapinda 17:22

Umwenzo wa nsansa umulembo usuma sana. Umwenzo utitikiziwe ukaumya amafupa.

Kasambilizya 11:2

Uwaika uculuzi wako mu ncende zivule, endi mu ncende zivule, pano we muntu utange umanye isyamo lino lilakuponela mu nsi ii.

Kasambilizya 2:24

Fwandi icintu cisuma cino umuntu ali wensi angacita, ukulya nu kumwa nga nu kuilyokezya pa vintu vino walonka. Lelo nilwike ukuti vyonsi vii vikafuma kuli Leza.

Kasambilizya 3:13

Swensi tulinzile ukulya nu kumwa nga nu kuilyokezya pa vintu vino twaombela. Vyonsi vii uwila wakwe Leza kunotuli.

Kasambilizya 5:18

Acino nemo nazana ukuti icintu cisuma cino umuntu ali wensi angacita, ukulya nu kumwa nga nu kuilyokezya pa vintu vyonsi vino waombela mu umi wakwe uwipi uno Leza wamupeela. Kusi icintu nacuze cino umuntu angacita.

Kasambilizya 9:7

Twalilila, uwalya ivyakulya vyako nu kusansamuka. Uwamwa waini wako nu kuzanga, pano ndakai Leza watazumilizya kuti wacita cico.

Lwimbo lwakwe Solomoni 5:1

We mutemwikwa wane, nawinga wane, ala nemo natimfika mu calo cane. Nkuzombola usule wane ni vintu vyane vya mununko usuma. Nkulya uci wane na nacisenga wane uwa uci. Nkumwa waini wane ni ziya lyane. Mwemuno mwakundana, lyangini nu kumwa. Mwemuno mwakundana mwangini sile wakwe cimwi.

Ezaya 49:5

Yawe aliwe wambumvile mu ndilwa yakwe mayo kuti nje umuomvi wakwe, kuti mbwezye umutundu wakwe Yakobo kunoli, nga nu kukonganika aina Izlaeli apipi na aliwe. Pano nacindamikwa mu manso yakwe Yawe, nupya nkazana amaka muli Yawe Leza wane.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Zakaliya 14:21

Intendo ili yonsi mu Yelusalemu nu mpanga yakwe Yuda ilasanguka icuma camuzilo cakwe Yawe Wamaka yonsi. Yonsi alalonda ukoca impolelwa, yalazitoola nu kuziomvya apakwelekela inyama wa mpolelwa kuli Yawe. Pa wanda ulya mutalayamo aculuzi mu Ng'anda ikulu yakwe Yawe Wamaka yonsi.

Luka 11:41

Lelo pelini vino vili mu mbale ku apina, alino myenzo inu imasanguluka.

2 Kolinto 8:2

Yene yeziwe cuze na macuzi yano yapisilemo. Lelo luzango lwao lwali lukulu cuze cakuti kupeela kwao kwali kukulu cuze nanti angala yali apina cuze.

Filipi 3:4

Ndala nalondanga nani kwene nga nataile vya untunze, lelo ndi pali umwi akwelenganya ukuti wataila vya untunze nemo nalutapo.

Umbwilo 11:10

Antu yonsi amu nsi yalazanga pamulandu wa mfwa yakwe yakambone yaa yaili. Yene yalazevya nu kutumilana mawila, pano yakasema yaa yaili yalesile macuzi aingi pa antu.

1 Samueli 25:8

Ndu kasi uyuzye yamakunena. Icaleka pokelela alumendo yayo, pamulandu wakuti tukwiza kuno pa wanda wa cimulo. Napapata ungapeela alumendo yayo, pamwi nani kwene ne Davidi, konsi kano ukweti.’ ”