Neemiya 7:3 - Amazwi Yakwe Leza 2013

³ Nayapile ni lamulo inti, “Mwayula sile impongolo zya musumba wa Yelusalemu lino kwakaya, nupya mwayala nu kupikilizya ningo lino yakalinda yacilipo lino ilanzi litali liwe. Nupya mwatola yakalinda ukufuma sile umu ikazi amu Yelusalemu. Yamwi yali nu kulalinda pano yayasontelela ukuya umu kulinda, alino yamwi apipi na mang'anda yao.”

Neemiya 7:3 ပူးပေါင်းရင်းမြစ်များ

Neemiya 13:19

Uli mulandu uno napiile ilamulo kuti lino ilanzi lyatilyawa, apa nsita ino Sabata litatala lyatandika, yayala mpongolo zyamu Yelusalemu mpaka kukusila kwi Sabata. Alino nika yakalinda apa mpongolo akulesya ukwingizya nu kufumya vya uculuzi vyonsi api Sabata.

Neemiya 3:23

Yano yalondelile penepo yali a Benjamini na Hasyubu. Yene yazifizye imbali yuze ulunga na mang'anda yao. Alino palondelela Azaliya, umwana umonsi wakwe Maaseya, umwana umonsi wakwe Ananiya. Wene uwazifizye imbali yuze apipi ni ng'anda yakwe.

Neemiya 7:2

Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

Neemiya 7:4

Yelusalemu wali umusumba ukalamba. Lelo antu anono sile yikalanga mwenemo, nga na mang'anda avule walanga yatacili yakuulululwe.

Masamu 127:1

Yawe ndi cakuti aliwe asikukuula ing'anda, ala yakakuula yakwalangana sile. Yawe ndi cakuti asikulinda umusumba, ala yakalinda yakuicuzya sile.

Masamu 147:13

Pano wene akakomya imikolongelo ya mpongolo zyako. Wene akapolelela na ana yako.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.