Neemiya 6:8 - Amazwi Yakwe Leza 2013

⁸ Nani intuma intumi apa kumwasuka inti, “Ala swemo tutalatala tucite icintu nanti cimwi cikoline na cino walanda. Watucelenganya sile wenga umu mwenzo wako.”

Neemiya 6:8 ပူးပေါင်းရင်းမြစ်များ

Neemiya 6:7

Watukatusya na yakasema akuti yasansante ilyasi pali wewe umu Yelusalemu, ilyakuti ‘Ayuda nayo yaikwatila umwene.’ Ilyasi lya musango uu lyasya lifike uku mwene. Ali cino fwandi wemo katuka sile uwize kuno tuvwane pamwi.”

Yobo 13:4

Pano mwemo mukulonda sile mwailanga apakulanda ivyantumpu. Mwensi pyu umu mvwango zinu mukoline na yasing'anga.

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Masamu 38:12

Yao akalonda uku nkoma nayo yati yanteya inkose, na yao akalonda uku ncisa, yakungofya. Anene sile yikalile umusanya onsi ala yakumpangila.

Masamu 52:2

Wemo watemwa ukupanga kucitila auzo iviipe, ululimi lwako lukoline nu lwembe ulukalipe, wemo watemwa ukutumpwila auzo.

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Danieli 11:27

Lyene yamwene yalya yaili yalikala nu kulya icakulya pamwi, lelo amalango yao yalaya aipe, nupya yalasombana. Yene yatalakwata cino yakulonda, pamulandu wakuti insita yakweco itatala yafika.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 25:10

Lelo Paulo aasuka ati, “Nemo njimi mu cilye ca milandu cakwe Kesa, icilinzile cimputwile mulandu. Ntacisile icintu cimwi ciipe ku Ayuda, wakwe vino nawe kwene umanyile.

Milimo 25:7

Lino Paulo wafika, Ayuda yao aizile kufuma ku Yelusalemu iiza yamuunganila, yatandika kumulongwela milandu iingi ino yatangamusinila.