Neemiya 6:3 - Amazwi Yakwe Leza 2013

³ Acino nani intuma inkombe na mazwi akuti, “Indi nu mulimo umwi kuno ukome sana. Naposiwa ukutentemukila kuko. Ndi cakuti cingankumba sile nize kuko, awe cumi, ale umulimo kuno ungalala.”

Neemiya 6:3 ပူးပေါင်းရင်းမြစ်များ

Neemiya 4:13

Fwandi nani ali vino nanenyile antu yane ukuti yaipangasya yaye yakimilile lwa kwisika yi linga apa ncende iifisame, umu ncende zyonsi izitatala zyakuulwa. Yimilila umu ndupwandupwa, ala yali ni vyanzo vyao, ivili wa mpanga, amasumo, inceto na malapwa.

Neemiya 6:2

Sanibalati na Gesyemu yatuma amazwi yati, “Katuka kuko twize tukomenkane swensi umu muzi umwi uwamu lunyika lwa Ono.” Lelo kwene yalondesyanga sile ukundya kanyama kisi.

Neemiya 6:4

Antu yaya nayo yalondenkanya uku ntumila amazwi amwata uli umwi kwene amaila yani. Nani ala inkuyawezezya uwasuko uwa mazwi ali yonga kwene.

Mapinda 14:15

Umuntu iciwelewele wene akataila muli vyonsi kwene, lelo uwa mano wene akawaka imipitile yakwe.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Mateo 10:16

“Lolini namutuma wa mfwele pakasi ka mimbulu. Caleka mucenjele wa nzoka lelo mufuke wa nkunda.

Luka 14:30

‘Umuntu wii, watandike kukuula lelo waposiwa kumalila mulimo.’

Yoane 9:4

Lino ucili musanya, katule tuombe milimo yakwe wino uwantuma. Usiku ukwiza lino umuntu atangaomba.