Neemiya 6:13 - Amazwi Yakwe Leza 2013

¹³ Yamulipile impiya kuti angofye apakuti aleke nifye apakucita cii, nga pacisila inzewane nu kunseka yanseke.

Neemiya 6:13 ပူးပေါင်းရင်းမြစ်များ

Neemiya 6:12

Nemo nilwike ukuti asa a Yawe awino amutumile. Wene wasema pali nene ivya musango uu, pano Tobiya na Sanibalati yamupile amafukakanwa kuti acite cico.

Neemiya 6:6

Mwalemvilwe amazwi yaa: “Umu mitundu yonsi mwatimusalangana amazwi yakwe Gesyemu akuti wewe pamwi na Ayuda mwatimupanga ukunsangukila. Ali cino watukuululula ilinga apakuti nawe uce uye umwene.

Mapinda 22:1

Izina licindame lyazipa penepo ukuluta ukukwata ivyuma ivingi. Ucindami nao waluta siluva na zaabu.

Mapinda 29:5

Ndi cakuti wazembeleka umuzo, ala waiteya ulukose.

Kasambilizya 7:1

Izina lisuma lyazipa ukuluta amafuta acinunu cisuma amutengo. Uwanda wa mfwa itu ukazipa ukuluta uwanda uno twavilwepo.

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Yelemiya 1:17

Ali cino fwandi wemo Yelemiya posya sile, nyepa nu musipi mu musana. Katuka uye ukayanene vyonsi vino namakunena. Utayoopa foo, pano limwi ningiza nkoofye apa manso yao.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Ezekelo 2:6

“Nawe we mwana wa muntu, utoopa nga yakunena yati, ‘Imyunga yatikuzinguluka, utenzi na pa makalela.’ Utoopa amazwi yaa, utaya ni ntete ndi yakutunwila amanso, pano uluko lulo lwatalama.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 22:15

Lyene Afaliseo yapita, yapangana vya kumuteya mu mauzyo.

Mateo 26:59

Yasimapepo akalamba ni nkombe zyonsi zya mwi Tengo yezya kulonda umboni waufi pali Yesu kuti yamukome.

Milimo 6:13

Lyene yaleta antu yamwi kuti yamutumpwile yati, “Muntu wi lyonsi akuvwanga mazwi ya misuli apa Ng'anda ikulu yakwe Leza yamuzilo na pa masunde yakwe Mose.

2 Kolinto 11:12

Namatwalilila kucita vino ncili cita na ndakai, pakuti yao akaitaka kuya atumwa yatakakwate nzila yakuti yaitumikamo kucita vintu vili vimwi na vino swemo tukucita.

1 Timoti 5:14

Acino nemo ningatemwa ukuti yamukamfwilwa acili akazyana, yatwalwe, yavyala ana, yasunga mang'anda yao ningo, pakuti yataleka anisi itu yalanda viipe pali sweswe.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

Tito 2:8

Waomvya mazwi ya cumi yano atangaleta mulandu, pakuti anisi yako yangacitwa insonyi pa kuntavwanga ciipe pali sweswe.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”