Neemiya 6:11 - Amazwi Yakwe Leza 2013

¹¹ Lelo nemo namwaswike inti, “Uzye icumi umuntu uwaya wakwe nene, nawe angapuuka? Uzye umu cumi umuntu wa milimo ino nakwata angapuukila uli umu Ng'anda ikulu yakwe Leza kuti apusuke? Awe, cakana nemo nsyakuya mwenemo.”

Neemiya 6:11 ပူးပေါင်းရင်းမြစ်များ

Neemiya 6:12

Nemo nilwike ukuti asa a Yawe awino amutumile. Wene wasema pali nene ivya musango uu, pano Tobiya na Sanibalati yamupile amafukakanwa kuti acite cico.

Neemiya 6:3

Acino nani intuma inkombe na mazwi akuti, “Indi nu mulimo umwi kuno ukome sana. Naposiwa ukutentemukila kuko. Ndi cakuti cingankumba sile nize kuko, awe cumi, ale umulimo kuno ungalala.”

Neemiya 6:9

Yene yezyanga ukutoofya, yelenganya yati, “Amakasa yao yalatonta sile, yatalatala yamale uku kuula.” Lelo nemo impepa inti, “We Leza, ule unkomye.”

Masamu 112:6

Umuntu musuma wene kusi icilamuponya pansi, nupya atalatala aililikwe foo.

Masamu 112:8

Wene asisakamikwa nanti ukuvwa intete, akasininkizya ukuti alalola kuno anisi yakwe yakucimba.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Kasambilizya 10:1

Insazi zifwe zingonona umusazi onsi uwa mafuta acinunu cisuma, nu kutumpa kunono kungonona amano aingi.

Ezaya 10:18

Imitengo muno mwaya imiti iisuma, yonsi kumwi ni vyalo vimapya pyu. Cimaya sile ungati avino indwala iyakulya umuntu ikacita.

Mpendwa 3:10

Ali cino uce uwasonta sile Aaloni na ana yakwe ukuomba umulimo wa usimapepo. Muze wino alezya ukuomba umulimo uwo alinzile kukomwa.”

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Milimo 8:1

Na Saulo wazumilizye ukukomwa kwakwe Sitivini. Pa wanda kwene ulya iuvi mu Yelusalemu litandika kuzunyiwa cuze. Onsi ataila, yasalangana mu miputule yonsi yamu Yudeya nu mu Samaliya. Suka sile atumwa.

Filipi 2:17

Utailo winu mu Mwene nga nu kuomba kwinu vikoline wa mpolelwa iyapeelwa kunoli. Nu wazi wane ungapongolwelwa pa kupeela impolelwa. Cii ndi cacitika, ndazanga nu kusansamuka pamwi namwe.

Filipi 2:30

pano wene nga waponzizye umi wakwe, nupya wali pipi nu kufwa pamulandu wa mulimo wakwe Klistu, kuti ampeele wazwilizyo uno mwemo mwaposiwe ku mpela.

Ayebulai 11:27

Utailo uwalenzile kuti Mose afume mu Eguputo kwaula koopa ukali wakwe kateeka. Wene wakanyile kuswilila pano cali kwati waweni Leza wino asyaloleka.

1 Samueli 19:5

Nupya wene atali ni ntete zya kufwa lino wakomile umwina Filisti. Yawe wacimvizizye aina Izlaeli, nawe waciweni nga uzanga. Uzye lyene pacani cino ungafyengela umuntu asi nu mulandu, apakulonda ukukoma Davidi apaula umulandu?”