Neemiya 6:1 - Amazwi Yakwe Leza 2013

¹ Sanibalati, Tobiya, Gesyemu umu Alabu pamwi na anisi yauze, lino yuvwa ukuti natinkuululula ilinga, nu kuti kutasiile iciposi nanti conga, ala kusile sile ukwika imilyango umu mpongolo.

Neemiya 6:1 ပူးပေါင်းရင်းမြစ်များ

Neemiya 13:4

Lino vintu vyonsi vitatala vyacitika, simapepo Elyasyibu uwangalilanga miputule yakusungilamo cuma mu Ng'anda ikulu yakwe Leza witu. Wene waelezyanyizye na Tobiya,

Neemiya 2:10

Lino Sanibalati umwina Holoni na Tobiya umwina Amoni yuvwa umulandu uu, yene yasoka apakulola ukuti kwiza umuntu umwi uwa kuzifya uwikazi wa ina Izlaeli.

Neemiya 2:19

Lelo lino Sanibalati umwina Holoni, Tobiya intunguluzi ya ina Amoni na Alabu wino yamanga Gesyemu, lino yuvwa umulandu uu iyiza kunotuli, iyatandika kututumfya yati, “Mukucita cani kuno? Simanye mukulonda musangukile umwene Alitakisesi?”

Neemiya 3:1

Simapepo Mukulu, Elyasyibu pamwi na yasimapepo yauze yakatuka iyatandika nu kukula cipya cipya Impongolo ya Mfwele. Apacisila cakuipolelela iyapanga fulemu wa pa mulyango alino iyikapo ni cisasa. Lyene iyapanga ni mifikilo ningo nga alino iyatwalilila ukukuula ukufika ku Mpongolo ya Mwanda suka iyaya iyafika uku Lupungu lwa Hananeli.

Neemiya 3:3

Amu mupanda wakwe Hasena nayo iyakuula Impongolo ya Nswi. Iyapangilila penepo ni nsondo nu kwika umulyango wakuyalila nga alino ni mifikilo ya vyela.

Neemiya 3:6

Yoiyada umwana umonsi wakwe Paseya na Mesyulamu umwana umonsi wakwe Besodeiya nayo yazifizye impongolo iyamwangwa ukuti Yesyana yapangila penepo myalo, visasa ni mifikilo ya vyela.

Neemiya 4:1

Walanga Sanibalati uvwa ukuti twatitukuululula ilinga, awe mukwai atandika ukuluula sile uku ukali. Aatumfya Ayuda.

Neemiya 7:1

Walanga yamalila ukukuululula ilinga inkwika ni milyango yonsi ningo, alino kwali ukusontelapo yakalinda ya mpongolo, yakiimba ya nyimbo, nga na ina Levi.

Danieli 9:25

“We Danieli umanye nu kwiluka cii: Ukutandika apa nsita ino ilamulo lyapilwe ilya kukuula Yelusalemu cipya cipya mpaka ukufika nalino Musololwe Wilya aliza, palapita imyaka cinimbali amaila cinimbali. Umusumba wa Yelusalemu ulakuulwa cipya cipya nupya ulaya ni miseo nga namalinga akome, apa myaka cinimbali amaila amakumi mutanda na iili. Lelo insita iyo ilaya insita ya ntazi.