Neemiya 5:11 - Amazwi Yakwe Leza 2013

¹¹ Yawe zezini ukwaula nu kusumba insita. Vyonsi pyu! Ivyalo vyao, ni vyalo vyao vya matingi, imiolivi, na mang'anda yao kwene. Yawe zezini inkongole zya mpiya zino yazime kuno muli!”

Neemiya 5:11 ပူးပေါင်းရင်းမြစ်များ

2 Samueli 12:6

Wene alinzile alipile amaila yani pa mfwele iyo, pamulandu wakuti watacita icintu camusango uwo nupya atakweti uluse.”

Neemiya 5:10

Ala nani kwene pamwi nanji twayazime impiya ni ngano. Fwandi cazipa ukuti tuvisuule? Tusule sile uku nkongole zitu.

Neemiya 5:12

Apa kuuvwa vivyo, nayo yavwanga yati, “Mukwai tumayawezezya. Tulayawezezya ivyuma vyao ukwaula ukulifya inkongole zyao.” Fwandi nani, ali pakwama yasimapepo apakuti asambazi ni ntunguluzi zyao zilape apa manso yao nu kusunga umulapo uno yamalapa.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Malango 6:11

Amang'anda yayo mwazula ivintu visuma, vino mwemo mutatutilemo, muno mwaya ni vifula vino mwemo mutimvile, ni vyalo vya matingi vino mwemo mutalimile nga ni miolivi ino mwemo mutalemile. Lino Yawe alamuleta mu mpanga ii, ndi mwaca mwalya mwikuta,

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”