Neemiya 4:14 - Amazwi Yakwe Leza 2013

¹⁴ Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Neemiya 4:14 ပူးပေါင်းရင်းမြစ်များ

2 Samueli 10:12

Wemo ule ukome sile nu kuposya! Leka tulwisizye antu itu na maka, tulwisizye ni misumba yakwe Leza witu. Ukulonda kwakwe Yawe kule kucitike!”

2 Milandu 32:7

Nu kuyakonkomezya ati, “Posyini nupya muzyansye. Mutuvwa intete nanti kutovoka apamulandu wa mwene waku Asilya pamwi ni umba lyonsi lino akweti. Wiyo wino waya naswe amanda yonsi umukome sana ukuluta wino ali nayo.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Yobo 37:22

Ulola nu kukaeya kwaswepa. Ala Leza wikala umu ucindami wakwe, uwakutina. Tutanga tufike uku Mweneco Wamaka Yonsi.

Masamu 143:5

Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 65:5

Ukaatwasuka we Leza, we katuula witu. Apa kututuula, wemo ukacita ivintu ivyakuzunguka. Antu yonsi apano nsi kumwi na yano yaya ukumbalama yakwe yemba, munuli amuno yataila.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Masamu 66:5

Izini mulole vino Leza wacita. Iye mwe, aliwe uwakoopa, pamulandu wa vintu vino wacitila antu!

Kufuma 14:14

Yawe aliwe amamulwila ulwi. Mwemo mwikale sile myaa.”

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Danieli 11:32

Umu usomvi amuno umwene wilya alakoopola yayo afutatila mpiti upefi wao, lelo yayo akalondela Leza yalamukanya.

Zakaliya 14:3

Lyene Yawe nawe alakatuka, nu kuyalwisya antu yayo, ndi vino wacitanga na pa mpiti.

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Malango 1:21

Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yakapingula 3:27

Lino wafika kuku mu mpanga ya myamba yakwe Efulemu, alizya intandala kuti aame ivita vya ina Izlaeli ku kulwa. Lyene ayatungulula iyatentemuka umwamba pamwi nawe.