Neemiya 4:11 - Amazwi Yakwe Leza 2013

¹¹ Anisi itu yelenganya ukuti tutalayalola nanti ukumanya cino cikucitika mpaka sile yakatwiukizye nu kutukomola pyu, apakuti umulimo witu utakatwalilile.

Neemiya 4:11 ပူးပေါင်းရင်းမြစ်များ

2 Samueli 17:2

Namaya nkamuzanze lino wene watatonta nu kutovoka. Namaya nkamoofye, nga antu yano yali nawe yamautuka. Alino lyene namakoma sile umwene.

Neemiya 4:10

Lelo Ayuda yakweti ulwimbo luno yimbanga ala yakuti, “Twatitucepelwa amaka muno tukusenda ivisendo. Umutumba wa viunguluwe nao watiukulisya. Ntanzi ndi cakuti tulamala ni kuule litu.”

Neemiya 4:12

Lelo kwaliko Ayuda yano yikalanga umupipi na anisi yayo. Ali yano yizile yatuceula amaila ikumi nga nu kutusopa apa mapange yao.

Neemiya 4:9

Lelo swemo twapefile kuli Leza witu nu kwika yakalinda asopanga umusanya nu usiku.

Masamu 56:6

Apa kukongana yakafisama, yakanteyamila muli vyonsi vino nkacita apakuti yankome.

Ezaya 47:11

Ala nkukunena umupamba ulakuponela, uno wemo ulaposiwa nu kuutuka, uno ni vizimba vyako vilaposiwa ukuomba. Uzanzo ulakuponela cakuti patalaya icakukukulula. Impungo ya ononyi ilakupumikizya, ino wemo utatala welenganya umu mano yako.

Milimo 23:12

Uca katondo, nga Ayuda yamwi yakongana pali pamwi yapangana, yalaya nu mulapo ukuti yatakulya nanti kumwa suka yakome Paulo.

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

1 Tesalonika 5:2

Mweisikulu mwamanya ningo ukuti Wanda lino Mwene aliza ulaya kwati kwiza kwa mwivi usiku.