Neemiya 2:4 - Amazwi Yakwe Leza 2013

⁴ Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Neemiya 2:4 ပူးပေါင်းရင်းမြစ်များ

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”

1 Yamwene 3:5

Kuku kwene ku Gibyoni, Yawe pali pakulolekela kuli Solomoni usiku mu ciloto. Yawe pali pakumunena ati, “Lenga cino ungatemwa kuti inkupeele.”

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Neemiya 1:4

Nalanga nuvwa vivyo, inikala pansi indila, inkungumala. Apa manda yamwi intandika ukulosya ukwaula ukulya ala nkupepa kuli Yawe, Leza wa mwiyulu.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Neemiya 2:20

Lyene nemo njaasuka inti, “Leza wa mwiyulu alasuka atupeele icituku. Ala swemo, swe aomvi yakwe twasya tutandike uku kuula cipya cipya. Lelo mwemo papo pano muli, mutakweti icipande nanti cimwi muno umu Yelusalemu. Nupya mutakweti insambu nanti imwi. Nanti icimanyililo icakuti yace yamwiusizyako mutakweti.”

Neemiya 2:5

nga naasuka inti, “Ndi cakuti cingazipila umusambazi ukunjela amizu, angaleka inje umu mpanga yakwe Yuda, umu musumba muno mwalala ivikolwe vyane, kuti nkaukuule cipya cipya.”

Esita 5:3

Lyene umwene amuuzya ati, “Uzye icani, we namwene Esita? Uzye icani cino ukulonda? Namakupeela nanti sile uwene wane apakasi.”

Esita 5:6

Lino yakumwa waini, umusambazi auzya Esita ati, “We! Nena zuwa cino ukulonda ukulenga, nanti uwene wane apakasi ningakupeela.”

Esita 7:2

Nga lyene umu wanda wakwe ciili umu nsita ya cimulo umwene auzya namwene Esita ati, “Uzye cani cino ungalenga kuli nene? Lenga icili consi nani namakupeela. Nanti sile ukukwankanya uwene wane apakasi, ningakupeela.”

Masamu 136:26

Taizini Leza wa mwiyulu, pano luse lwakwe ulwa pe na pee.

Mapinda 3:6

Waiusya Yawe muli vyonsi vino ukucita, nga nawe amakulanganga muno ungacitila pe.

Mako 10:51

Yesu amuuzya ati, “Uzye ukulonda kuti nkucitile cani?” Impafu imwasuka iti, “Kasambilizya, nkulonda kuti nalola.”

Milimo 23:19

Musika mukalamba alema mulumendo pi kasa amutwala pa mbali amuuzya ati, “Uzye icani cino ukulonda kunena?”

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.