Neemiya 2:17 - Amazwi Yakwe Leza 2013

¹⁷ Lelo nayanenyile inti, “Mwe yayame, silolini intazi ino tukweti pamulandu wakuti musumba wa Yelusalemu usile amatongwa. Impongolo zyakweo zyonsi nazyo izyononeke! Silekini tumane akapi, tukuule cipya cipya ilinga lya mawe, nga tumasisya umuzewanya pakasi kitu.”

Neemiya 2:17 ပူးပေါင်းရင်းမြစ်များ

Ezila 9:9

Twali azya, lelo wemo utatutazyezile. Wapile yamwene aku Pesya amizu akutuzumilizya ukwikala umu mpanga nu ku kuululula Ng'anda ikulu yakwe Leza. Wemo mwatupela umutende umu Yuda nu mu Yelusalemu.

Neemiya 1:3

Nayo yangasuka iyati, “Antu yayo asile pasi pakucula alino ni nsonyi. Iciumba icazinguluka Yelusalemu cawa nu kononeka, alino ni mpongolo zyakweo nazyo zyapya zyonsi pyu!”

Neemiya 2:13

Lino caya usiku impita apa Mpongolo ya Cifoloma indungama ku Mpongolo ya Citumba. Nceceta muno ilinga lya Yelusalemu lyaongoloka na vino impongolo zyapya uku moto.

Neemiya 2:16

Kusi nanti wenga pali yamusika uwa manyile vino nkucita. Nupya ukufika na pa nsita kwene iya, walanga ntacili nene nanti umwi apa ya Yuda, pali ya simapepo, apa asambazi, pa ntunguluzi nanti yauze asyala yano tungati umulimo uu wakumile.

Neemiya 3:15

Syaluni umwana umonsi wakwe Kolioze, uwateekanga citungu ca Mizipa, uwakuuzile Mpongolo ya Kafukoka. Aikuululula nga aikapo ni paala, ni visasa alino ni mifikilo yaviko. Akuula ni linga ukufika nu ku Ciziya ca Siloamu apipi ni calo ca mwene, ukufuma uku utampilo mpaka ukufika nu ku mpela ya musumba wakwe Davidi.

Masamu 102:15

Antu ya mitundu yuze yalaya ni coopo kuli Yawe, na yamwene ya pano nsi yonsi yaloopa ululumbi lwakwe.

Masamu 44:13

Ainipamba nga yalola vino watucitila lyene pasi pakutusoweka.

Masamu 44:14

Watuleka imitundu yuze yaama umutundu witu ni mitumfyo, yakukunta sile imitwe pakutusuula.

Masamu 79:12

We Mwene, ala apa misuula yonsi ino ainamasi yakusuula, wemo uyawezezye amaila cinimbali.

Masamu 79:4

Antu ya mitundu yano twapalamana nayo pasi pakutusoweka. Yene yakutuseka nu kutuwela penepo.

Yelemiya 24:9

Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Nyimbo zya ndosya 3:51

Vino nkulola vikumbaisya umwenzo pamulandu wa anaci yonsi amu musumba wane.

Ezekelo 5:14

Antu yonsi amitundu yakuzinguluka lino yakupita, yalakuwela sile.

Mika 7:11

Mwe antu aku Yelusalemu, insita iliza ya kukuula amalinga inu, insita ino yanande inu yalavungululwa.

1 Samueli 11:2

Nawe Naasyi umwina Amoni aasuka ati, “Kwene ukupangana tungapangana cipangano, lelo suka sile intale intonkole cila muntu apakasi kinu ilinso ilya kuli ndilo, pakuti ciletele aina Izlaeli umuzewanya.”