Neemiya 2:14 - Amazwi Yakwe Leza 2013

¹⁴ Lyene imfutuka, inja uku Mpongolo ya Kafukoka nu ku Cifula ca Mwene, lelo kutali inzila yakuti punda wino nakwezilepo apite mwenemo.

Neemiya 2:14 ပူးပေါင်းရင်းမြစ်များ

2 Yamwene 18:17

Umwene waku Asilya nawe ali pakutuma ivita vii: musika mukulu uwa vita, na cilolo wakwe umukalamba, nu mukalamba wa vita ukwika penepo ni mpuka ikulu iya vita, ukufuma ku Lakisyi ukuya zanza Hezekiya uku Yelusalemu. Lino yafisile kweneko uku Yelusalemu, yaile yimilila umu museo, umwayela yakapanga ya nsalu, umu pipi nu mufolo ukaleta amanzi ukufuma umu ciziya icayela apapela.

2 Yamwene 20:20

Ivintu vyuze vyonsi vino Hezekiya wacisile, ni milimo yakwe yonsi, na vyonsi vino watukwite na vino wapanzile icilambe ca manzi nu kwimba umufolo wa manzi ukuuleta ku musumba, vyalembwa mu lupapulo lwa Milandu yakwe Yamwene aku Yuda.

2 Milandu 32:30

Umwene Hezekiya, aliwe kwene wacinzile intulo yakupela iya luzi lwa Giooni nu kutentemusizya amanzi ulusansa lwa kwisika mu Musumba wakwe Davidi. Hezekiya wali nu longo sana muli vyonsi vino wacitanga.

Neemiya 12:37

Ukutandikila ku Mpongolo ya Kafukoka yatumbela pa masitepu akuya uku Musumba wakwe Davidi, yaya yapuzya pi sano lyakwe Davidi, nga yaswilila ukwi linga yafika pa Mpongolo ya Manzi, lwaku ufumondaka wa musumba wa Yelusalemu.

Neemiya 3:15

Syaluni umwana umonsi wakwe Kolioze, uwateekanga citungu ca Mizipa, uwakuuzile Mpongolo ya Kafukoka. Aikuululula nga aikapo ni paala, ni visasa alino ni mifikilo yaviko. Akuula ni linga ukufika nu ku Ciziya ca Siloamu apipi ni calo ca mwene, ukufuma uku utampilo mpaka ukufika nu ku mpela ya musumba wakwe Davidi.

Neemiya 3:16

Wino yemine nawe, a Neemiya umwana umonsi wakwe Azibuki, uwateekanga citika wa citungu ca Beti Zuli. Wene uwazifizye imbali yuze ukufuma uku ncende iyalungatana ni lindi lyakwe Davidi, ukuyafika uku ciziya ciimbe uku pipi na kamba ka asilika.

Kasambilizya 2:6

Lyene nimba viziya vya manzi akukontelela imiti.