Neemiya 13:31 - Amazwi Yakwe Leza 2013

³¹ Nga mpela ilamulo lyakuti yaleta inkwi ni vizao vyankolelo apa nsita iyasontwa. We Leza wane, si ule wiusye vyonsi nu kunjela amizu.

Neemiya 13:31 ပူးပေါင်းရင်းမြစ်များ

Neemiya 10:34

Swe yasimapepo, aina Levi alino na antu sile, tulapendola kuti tusolole inko izyakutiiya inkwi nu kuleta uku Ng'anda ikulu yakwe Leza witu pa nsita isontwe cila mwaka, kuti yaocela impolelwa pa kavuwa kakwe Yawe Leza witu ndi vino calembwa mu mpapulo zya Masunde.

Neemiya 10:35

Twalaya ukuti tukaaleta cila mwaka ivizao vyankolelo vyamu vyalo vitu ni viseekwa vyankolelo vya cila muti onsi uku Ng'anda ikulu yakwe Yawe.

Neemiya 10:38

Simapepo, uwamu mupanda wakwe Aaloni alinzile aye pamwi na ina Levi lino yakupokelela icikumi cico, nga aina Levi nayo yalinzile ukwiza ni cikumi capa cikumi uku Ng'anda ikulu yakwe Leza witu, uku miputule yakusungilako iviya.

Neemiya 13:14

We Leza wane, sungala unjiusye pali vii vyacitika. Iusyini milimo yane isuma ino nacitila Ng'anda ikulu yakwe Leza wane pakulondesya ukumutumikila.

Neemiya 13:22

Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 25:7

Utaiusya amaifyo yane yano nacisile umu wance wane. Uwanjiusya luse luse, ukulingana nu usuma wako.

Luka 23:42

Lyene civwanga citi, “We Yesu ukanjiusye lino uliza na maka mu Wene wako.”