Neemiya 13:22 - Amazwi Yakwe Leza 2013

²² Lyene mpela ilamulo ku ina Levi kuti yaiswefye nu kwiza tandika kulinda mpongolo kuti wanda wi Sabata uziliziwe. We Leza wane, unjiusye nu kunsunga pamulandu wakutemwa kwako kukulu.

Neemiya 13:22 ပူးပေါင်းရင်းမြစ်များ

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

2 Yamwene 23:4

Nga lyene Yosiya anena Simapepo Mukulu Hilikiya, na yasimapepo alondelela penepo, na yakalinda ya pa mulyango wa Ng'anda ikulu yakwe Yawe, yao ali apa ncito kuti yangafumya iviya vyonsi umu Ng'anda ikulu yakwe Yawe, ivyaomviwanga apa kupepa Baali, na Asyela, ni ntanda. Yosiya ali pakuvisenda vyonsi nu kuyavyocela ukunzi ya musumba umu pipi ni Cifoloma ca Kiduloni. Alino atoola itwi lyonsi pyu, nga alitwala uku musumba wa Betele.

2 Milandu 29:24

Lyene yasimapepo yafyula imbuzi zizi nu kupeela uwazi waziko apa kavuwa wa wila wakulipila pa maifyo ya ina Izlaeli yonsi, pamulandu wakuti walanga umwene watapeela ilamulo lyakupeela uwila wakoca nu wila wakwelela amaifyo.

2 Milandu 29:27

Lyene Hezekiya apeela ilamulo ilya kupeela uwila wakoca apa kavuwa. Lino yatandika ukupeela amawila, iyatandika ukwimbila Yawe, ala yakulizya intandala ni vyakulizizya inyimbo ivyaomvyanga umwene Davidi.

2 Milandu 29:30

Alino Umwene Hezekiya pamwi ni ntunguluzi zyakwe yapeela ilamulo ku ina Levi ilya kulumbanya Yawe umu mazwi yano Davidi na kasema Asafu yalemvile. Acino umuntu wensi aimbila ni nsansa izikulu ala yonsi yafukime yakupepa Leza.

Neemiya 12:10

Yesyua wali a isi wakwe Yoiyakimu, Yoiyakimu wali a isi wakwe Elyasyibu, Elyasyibu wali a isi wakwe Yoiyada.

Neemiya 12:30

Lyene yasimapepo na ina Levi yacita ulutambi lwa kuiswefya, nu kuswefya antu alino nu kuswefya impongolo na malinga ya musumba.

Neemiya 13:14

We Leza wane, sungala unjiusye pali vii vyacitika. Iusyini milimo yane isuma ino nacitila Ng'anda ikulu yakwe Leza wane pakulondesya ukumutumikila.

Neemiya 13:31

Nga mpela ilamulo lyakuti yaleta inkwi ni vizao vyankolelo apa nsita iyasontwa. We Leza wane, si ule wiusye vyonsi nu kunjela amizu.

Neemiya 5:19

Caleka we Leza wane, ule walukunjiusya pamulandu ni visuma vyonsi vino nacitila antu yaa.

Masamu 130:7

We Izlaeli nawe, paalila muli Yawe, Pano ukutemwa kwakwe Yawe ukwa muntaputuka, nga akalondesya ukupususya.

Masamu 5:7

Lelo apamulandu nu kutemwa kwako ukukulu, nemo namaingilanga umu Ng'anda yako ikulu. Namakufukamilanga nu mucinzi, ulunga ni Ng'anda yako iyamuzilo.

Masamu 51:1

Njeleko uluse we Leza pano wewe waluse uluvule. Mfumizye iviipe vyane vyonsi, pano wemo wakwatisya amizu.

Ezaya 38:3

“Iusya we Yawe vino nikala nkakutumikila ningo ningo, umu kukufukilila. Iusya na vino lyonsi sile nezyanga ukucita ukulonda kwako.” Awe lyene Hezekiya alila wakwe cimwi, pasi pakulila mwe!

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Ezaya 55:7

Umwipe ate imisango yakwe, ni ntalanganyi nayo amapange yakweyo. Kayale sile yasenukile kuli Yawe, ukuti ayelele uluse, kuti Leza witu nawe alayelela cuze.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Malango 5:12

“‘Wawaka uwanda wi Sabata nu kuusunga nu muzilo, wakwe vino ne Yawe Leza wako wakupeela ilamulo.