Neemiya 12:8 - Amazwi Yakwe Leza 2013

⁸ Aina Levi yali ndi vii: Yesyua, Binui, Kadimiyeli, Syelebiya, Yuda nga na Mataniya kwene, pamwi na aomvi yauze, wiyo uwangalilanga imimbile ya nyimbo zyakutaizya.

Neemiya 12:8 ပူးပေါင်းရင်းမြစ်များ

1 Milandu 9:33

Yamwi aina Levi yali nu mulimo wa kwimba inyimbo. Akalamba ya ndupwa zizyo yikalanga mu miputule imwi imwi yamu Ng'anda ikulu yakwe Yawe, nupya yataombanga imilimo yuze pano yene yali apintoke usiku nu musanya.

Ezila 2:40

Iumba lya ina Levi yano yawelulwike uku uzya: amu luko lwakwe Yesyua na Kadimiyeli (ukupitila muli Hodaviya) yali amakumi cinimbali na yani (74).

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Neemiya 11:17

Mataniya umwana umonsi wakwe Mika, umwana umonsi wakwe Zabidi, umwana umonsi wakwe Asafu, uwatungululanga mapepo ya kutaizya mu Ng'anda ikulu yakwe Leza. Alino na Bakibukiya uwali wakwe ciili pakasi ka aomvi yauze. Alino Abida umwana umonsi wakwe Syamua, umwana umonsi wakwe Galali, umwana umonsi wakwe Yedutuni.

Neemiya 11:22

Kapitao wa ina Levi ku Yelusalemu wali a Uzi umwana umonsi wakwe Bani, umwana umonsi wakwe Hasyabiya, umwana umonsi wakwe Mataniya, umwana umonsi wakwe Mika. Wene wali a wenga uwamu mupanda wakwe Asafu, uwali a kiimba wa nyimbo zino yimbanga mu Ng'anda ikulu yakwe Leza.

Neemiya 12:24

Intunguluzi zya ina Levi zyali ndi vii: Hasyabiya, Syelebiya na Yesyua umwana umonsi wakwe Kadimiyeli, yazwananga na aomvi yauze umu kwimba inyimbo zya kulumbanya nu kucindika ndi muno Davidi kwene umuntu wakwe Leza wilya wapelile ilamulo lyakuti cila umba lilinzile lyakwata uluti lwa kwimba.

Neemiya 12:7

Saluu, Amoki, Hilikiya na Yedaya. Yakwene yali intunguluzi zyakwe yasimapepo ali aomvi yauze mu manda yakwe Yesyua.

Neemiya 12:9

Aomvi yauze yali a Bakibukiya na Uni, ayatolelelanga umu kwimbila pamwi na alio.

Neemiya 7:43

Aina Levi nayo yali ndi vii: amu nko zyakwe Yesyua na Kadimiyeli (kuli kuti amu mupanda wakwe Hodaviya) yali 74

Neemiya 7:48

amu nko zyakwe Lebana, Hagaba na Syalimai,

Neemiya 9:4

Apa cintamba ca mbao pimilile aina Levi yaa, Yesyua, Bani, Kadimiyeli, Syebaniya, Buni, Syelebiya Bani na Keenani. Yonsi yaa yapundanga apa kupepa kuli Yawe Leza wao.