Neemiya 12:43 - Amazwi Yakwe Leza 2013

⁴³ Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

Neemiya 12:43 ပူးပေါင်းရင်းမြစ်များ

2 Milandu 20:13

Insita kwene ilya ala antu yonsi pyu a mpuka yakwe Yuda yatiyimilila pa mulola wakwe Yawe pamwi na aci yao na ana yao akulu na anono kwene.

2 Milandu 20:27

Lyene alino yonsi aku Izlaeli na aku Yelusalemu iyaswilila ni nsansa ala Yeosafati watayakolelela pano Leza wao watayazanzya pakuyacimvizya anisi yao.

2 Milandu 7:10

Alino apa wanda uwalenga amakumi yaili na yatatu umu mwezi wakwe cinimbali, Solomoni aleka ukuti antu yaswilile kumwao. Nayo apakuswilila ale yatiyazanga nu kuzanga wakwe cimwi umu myenzo yao apamulandu nu usuma onsi uno Yawe wacitile Davidi, Solomoni nu mutundu wakwe uwa ina Izlaeli.

Ezila 3:13

Kutali nanti wenga angapusanya pakasi ka congo ca nsansa ni congo ca kulila, pamulandu wakuti antu yapundisyanga sana nga na mazwi yao yuvwikanga ukutali.

Neemiya 12:27

Lino antu yelenginye ukupaatwila Yawe ilinga lya musumba wa Yelusalemu, yaamile aina Levi ukufuma konsi kuno ikalanga, kuti yize ku Yelusalemu ku kuzevya nu kuzangila capamwi nu kutaizya umu nyimbo ni viwaya na yababatoni na yabanjo.

Neemiya 12:42

Pali na yasimapepo yaa: Maaseya, Syemaya, Eleaza, Uzi, Yeoanani, Malikiya, Elamu na Ezeli. Yezelaya uwatungululanga yakiimba ya nyimbo.

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Masamu 27:6

Lyene nati ntumpula nu mutwe apapelapela ya anisi yane, yayo ati yanzinguluka, lyene nemo inkutokowalika sile insingo apapela nu kupunda nu luzango apa kutuula impolelwa umwi sano lyakwe. Alino nu kwimbililila Yawe inyimbo zya kumulumbanya!

Masamu 28:7

Yawe ali maka yane ni cisyangu cane, munoli ali muno umwenzo wane wataila. Wangazwa, nu mwili wane watiuzanga, ali cino nkumutaizya uku mwenzo wane onsi.

Masamu 9:2

Namaimbilanga ni nsansa pamulandu wako. Namaimbilila ni zina lyako, we Leza Wamaka yonsi.

Masamu 92:4

Pano ivicitwa vyako ivya lulumbi, nupya pasi pakukuzanzya we Yawe. Apamulandu kwene wa vintu vino wemo ukacita, icaleka nemo namaimbilanga nu luzango.

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Yelemiya 31:13

Alino umukazyana alasansamuka pa kucina, alumendo na akote yalazangila kumwi. Ndasangula ukulosya kwao insansa, ndamyalalika imyenzo yao. Apa ulanda wao ndausenula uye uluzango.

Yelemiya 33:11

utupundu twa nsansa nu twa luzango. Muluvwika na mazwi yakwe nawinga na siwinga. Lino antu yalaleta amawila akutaizya uku ng'anda yane, amazwi yao yalauvwika lino yakwimba ala yakuti, ‘Taizini Yawe Wamaka Yonsi, pano wene umusuma, nu luse lwakwe ulwa manda pe.’ Pasi pano impanga kwene ii nemo ndailetela isyuko ndi vino nacisile apa mpiti. Ica cumi, anene ne Yawe navwanga.”

Mpendwa 10:10

Alino nu mu nsita zinu zyaluzango, ivili mu manda inu akuzevya myezi ipya nga nu kuzevya kuze ukwasyala ukwa upefi, muce mwalizya intandala pa kupeela amawila inu akoca na autandano. Lyene ndiusya ukumwazwilizya. Nene indi Yawe Leza winu.”

Mateo 21:15

Lelo yasimapepo akalamba na yakasambilizya ya Masunde yasoka cuze pa kulola vintu vino wacisile vyakuzunguka, nga na vino ana anono yalaizyanga mu Ng'anda ikulu yakwe Leza, ala yakuti, “Mucinzi upelwe ku Mwana wakwe Davidi!”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Yoane 16:22

Vii avino cili kunomuli. Ndakai muli nu ulanda, lelo ndiza mulole nupya, nga ni myenzo inu ilazulamo ni nsansa zino pasi umuntu nanti umwi angazisisya kufuma kunomuli.

Efeso 5:19

Mwalanzyanya mazwi amu Masamu, mu nyimbo zya kulumbanya Leza nga ni nyimbo zyuze zya kulumbanya Leza mu myenzo inu.

Yakobo 5:13

Uzye munomuli muli umwi ali mu ntazi? Wene alinzile kupepa. Uzye kuli umwi watazanga? Wene alinzile kwimbila nyimbo zya kulumbanya Leza.

1 Samueli 4:5

Lino yafisya Mbokosi ya Upangano mu nkambi, aina Izlaeli yonsi iyasanzula amazwi yao iyapunda cakuti nu musili iutenta.