Neemiya 12:35 - Amazwi Yakwe Leza 2013

³⁵ Yamwi muli yasimapepo alizyanga intandala yali ndi vii: Zakaliya umwana umonsi wakwe Yonatani, umwana umonsi wakwe Syemaya, umwana umonsi wakwe Mataniya, umwana umonsi wakwe Mikaya, umwana umonsi wakwe Zakuli, umwana umonsi wakwe Asafu.

Neemiya 12:35 ပူးပေါင်းရင်းမြစ်များ

1 Milandu 25:2

Mu ana yakwe Asafu pali Zakuli, Yosefu, Netaniya na Asalela. Ana aonsi yakwe Asafu yangalilwanga na Asafu, uwumanga imbila lino umwene wamupeela ilamulo.

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 5:12

Alino aina Levi yonsi ali yakiimba ya nyimbo, ivili wakwe Asafu, Hemani na Yedutuni pamwi na ana yao aonsi na akazi kao apano yali. Alanga yatiyazwala ni nsalu izitelepelele, ala yimilile lwaku ufumondaka wa kavuwa, yakulizya iviwaya, na yababatoni na yabanjo. Ala yali pamwi na yasimapepo 120 yakulizya ni ntandala.

Neemiya 11:17

Mataniya umwana umonsi wakwe Mika, umwana umonsi wakwe Zabidi, umwana umonsi wakwe Asafu, uwatungululanga mapepo ya kutaizya mu Ng'anda ikulu yakwe Leza. Alino na Bakibukiya uwali wakwe ciili pakasi ka aomvi yauze. Alino Abida umwana umonsi wakwe Syamua, umwana umonsi wakwe Galali, umwana umonsi wakwe Yedutuni.

Neemiya 12:34

Yuda, Benjamini, Syemaya na Yelemiya.

Neemiya 12:36

Pali na aomvi yauze ndi vino yaa: Syemaya, Azaleli, Milalai, Gilalai, Maai, Netaneli, Yuda na Hanani. Yakwene yanyemulanga ivyakulizizya inyimbo, vyapanzilwe na Davidi umuntu wakwe Leza wilya. Kalemba Ezila uwatungululanga.

Yoswa 6:4

Yasimapepo cinimbali yace yasende intandala izyapangilwa ni mpembe zyakwe yasuuku, nupya yace yakolelele Mbokosi ya Upangano. Pa wanda uwalenga cinimbali, mulinzile ukupita ukuzinguluka umusumba amaila cinimbali, na yasimapepo yala yakulizya intandala.