Neemiya 12:27 - Amazwi Yakwe Leza 2013

²⁷ Lino antu yelenginye ukupaatwila Yawe ilinga lya musumba wa Yelusalemu, yaamile aina Levi ukufuma konsi kuno ikalanga, kuti yize ku Yelusalemu ku kuzevya nu kuzangila capamwi nu kutaizya umu nyimbo ni viwaya na yababatoni na yabanjo.

Neemiya 12:27 ပူးပေါင်းရင်းမြစ်များ

2 Samueli 6:12

Lyene lino umwene Davidi uvwa ukuti Yawe watapolelela Obedi Edomu na amu ng'anda yakwe pamulandu wakusunga Mbokosi ya Upangano yakwe Leza, akatuka aya aifumya ku ng'anda yakwe Obedi Edomu nga aitwala ku Yelusalemu ala akuzevya wakwe cimwi.

1 Yamwene 8:63

Solomoni wapeezile impolelwa ya mawila ya utandano kuli Yawe, apa kufyula ing'ombe 22,000 nga ni mfwele ni mbuzi 120,000. Ali vino fwandi antu pamwi nu mwene yapeela impolelwa nu kupaatwila Yawe Ng'anda yakwe ikulu.

1 Milandu 13:8

Davidi pamwi na ina Izlaeli yonsi ala yakuzevya wakwe cimwi na maka yao yonsi, ala yakwimba inyimbo muli yababatoni, na yabanjo, nu tung'oma, ni viwaya, ni ntandala.

1 Milandu 15:12

Alino ayanena ati, “Mwemwe muli ntunguluzi zya nko zya ina Levi. Mwemwe pamwi na ina Levi yauzo mulinzile mwaipaatula nu kuwezya Mbokosi ya Upangano yakwe Yawe, Leza wa ina Izlaeli. Mulete Mbokosi iyo ku ncende ino naiteyanyizizya.

1 Milandu 15:16

Pacisila cakwe vii, Davidi anena intunguluzi zya ina Levi ukusonta yamwi muno yali kuti yimbe inyimbo zya kuyasansamusya, mu vyakulizizyako inyimbo wakwe vii: yabanjo, yababatoni ni viwaya.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

1 Milandu 15:4

Alino atuma akuya aama amu mupanda wakwe Aaloni nga na ina Levi kwene.

1 Milandu 16:42

Hemani na Yedutuni yapilwe umulimo wa kulizya intandala ni visekese nga nu kulizya ivintu vyuze mu nyimbo zyamuzilo. Ana aonsi yakwe Yedutuni yapilwe umulimo wa kulinda apa mpongolo.

1 Milandu 16:5

Asafu uwali ntunguluzi, nga Zakaliya wali wakwe ciili, nga palondelela Yeiyeli, Syemilamoti, Yeeiyeli, Matitiya, Eliabu, Benaya, Obedi Edomu na Yeiyeli. Yene alizyanga yabanjo nu tungoma. Asafu walizyanga iviwaya,

1 Milandu 23:5

antu 4,000 yalinzile ukuya yakalinda yapa mpongolo, nga antu yauze 4,000 yalinzile ukulumbanya Yawe ni vyakulizizyako inyimbo vino nayapeela.”

1 Milandu 26:31

Yeliyaa wali intunguluzi ya amu mupanda wakwe Hebuloni ukulingana ni vyalembwa vyakuvyalwa kwao. Mu mwaka walenga amakumi yani uwa kuteeka kwakwe Davidi kwali ukulondelezya mu vyalembwa, nga antu ampomvu amu mupanda wakwe Hebuloni yazanwa uku Yazeli ku Gileadi.

2 Milandu 29:25

Lyene umwene alondela ilamulo lino Yawe wapile ukupitila muli Davidi na Gadi, yakasema yakwe, nga na muli kasema Natani. Aika akazi ka ina Levi mu Ng'anda ikulu yakwe Yawe kuti yalizya iviwaya, yababatoni na yabanjo.

2 Milandu 29:30

Alino Umwene Hezekiya pamwi ni ntunguluzi zyakwe yapeela ilamulo ku ina Levi ilya kulumbanya Yawe umu mazwi yano Davidi na kasema Asafu yalemvile. Acino umuntu wensi aimbila ni nsansa izikulu ala yonsi yafukime yakupepa Leza.

2 Milandu 5:13

Yakiimba ya nyimbo na yakalizya ya ntandala yonsi yapomokela capamwi nu kulumbanya Yawe ni zwi lyonga sile. Api zwi lyakufuma umu ntandala ni vyakulizizya vyuze, yonsi pamwi yasanzula izwi lyao nu kulumbanya Yawe yati, “Endi, Yawe umusuma, pasi pano uluse lwakwe ulwa muyayaya.” Lino yasimapepo yafuma mu Ng'anda ikulu yakwe Yawe, ikumbi liiza ilizula mu Ng'anda ikulu yakwe Yawe, nga iliyengesa apakulanga ucindami wakwe Yawe.

2 Milandu 7:6

Yasimapepo yimilila umu ncende zino yapilwe ukwimilila mwenemo. Aina Levi ala nayo yatiyalolenkanya amanso na kuko ala yakulizya nu kulumbanya Yawe umu vyakulizizyako inyimbo vino Davidi wasile. Vivi kwene vino waomvyanga apa kwimbila Yawe umu lwimbo ala akuti “Ukutemwa kwakwe kusisila, lelo ukwamuyayaya.” Yasimapepo ala yimilile umu mbalimbali zyao yakulizya intandala. Aina Izlaeli asyala yonsi nayo kwene ala yatiyimilila.

Ezila 6:16

Lyene aina Izlaeli, kuli kuti yasimapepo na ina Levi pamwi na yonsi awelulwike ukufuma umu uzya iyacita uzevyo wakupaatwila ing'anda ilya kuli Yawe nu luzango wakwe cimwi.

Neemiya 11:20

Aina Izlaeli yamwi na yasimapepo na ina Levi asile mu misumba yaku Yuda na ali wensi yikalanga mu ncende yao yaupyanyi.

Neemiya 12:43

Pa wanda kwene ulya yapeela impolelwa izingi wakwe cimwi, nga yazanga pamulandu wakuti Leza aliwe wayalenga ukuzanga. Anaci pamwi na ana nayo kwene yazanga. Icongo cakuzanga cino yacisile cuvwikanga ukufuma ukutali.

Neemiya 8:17

Antu yonsi pyu pali yao awelulwike ukufuma ku Babiloni ku uzya, yakuula insakwe amuno yikala. Icintu cii cili cino aina Izlaeli yatatazile yaciombe ukutandikila sile pali Yoswa umwana umonsi wakwe Nuni ukufika na pa wanda uwa kwene. Fwandi yali nu luzango wakwe cimwi.

Masamu 149:3

Kayapekula apa kulumbanya Yawe, yamulizizye utungoma na mazeze.

Masamu 30:1

Namakulumbanya we Yawe, pano awewe wati untuula. Utalesile kuti anisi yane yaitanka pali nene.

Malango 16:11

Muce mwasansamuka pa manso yakwe Yawe Leza winu, mwemwe pali pamwi na ana inu, na aomvi inu, na ina Levi, na inamasi, na ana asyale, alino na yamukamfwilwa yano mukaikala nayo. Muce mucite cii pa ncende yonga iyakupepela penepo.

Malango 20:5

“Alino yamusika ya vita yali nu kulunda ukunena asilika yati, ‘Uzye pano panotuli pali umonsi umwi cantete uwakuula ing'anda, lelo atacili aipaatwile Yawe? Ndi cakuti apanoli, cazipa aswilile ukwakwe. Pano limwi ndi yaya yamukoma ku nkondo, ale lyene umuntu muze angapaatwila Yawe ing'anda iyo.

Filipi 4:4

Mwazanga mu Mwene. Nupya kwene nkuti mwazanga!

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.