Neemiya 12:12 - Amazwi Yakwe Leza 2013

¹² Mu manda yakwe Yoyakimu Simapepo Mukulu, intunguluzi zya nko zyakwe yasimapepo zyali ndi vii: Uwatungululanga umutundu wakwe Selaya wali a Melaya. Uwatungululanga umutundu wakwe Yelemiya wali a Hananiya.

Neemiya 12:12 ပူးပေါင်းရင်းမြစ်များ

1 Milandu 15:12

Alino ayanena ati, “Mwemwe muli ntunguluzi zya nko zya ina Levi. Mwemwe pamwi na ina Levi yauzo mulinzile mwaipaatula nu kuwezya Mbokosi ya Upangano yakwe Yawe, Leza wa ina Izlaeli. Mulete Mbokosi iyo ku ncende ino naiteyanyizizya.

1 Milandu 24:4

Pakasi ka amu mupanda wakwe Eleaza pazanyilwe intunguluzi izivule ukuluta mu amu mupanda wakwe Itamali. Acino Davidi wasolwile intunguluzi 16 pakasi ka amu mupanda wakwe Eleaza, nga nayauze cinani pakasi ka amu mupanda wakwe Itamali.

Neemiya 12:11

Yoiyada wali a isi wakwe Yonatani, nga na Yonatani wali a isi wakwe Yadua.

Neemiya 12:13

Uwatungululanga umutundu wakwe Ezila wali a Mesyulamu, uwatungululanga umutundu wakwe Amaliya wali a Yeoanani.

Neemiya 12:22

Mu manda yakwe Elyasyibu, Yoiyada, Yoanani na Yadua, ali Yasimapepo Akulu, palemvilwe amazina ya ntunguluzi zya ng'anda zyakwe yasimapepo na ina Levi mpaka ukwizafika mu manda ya kuteeka kwakwe Dalyusi umwene waku Pesya.