Neemiya 12:1 - Amazwi Yakwe Leza 2013

¹ Yakwene aali yasimapepo na ina Levi yano yawelulwike pamwi na Zelubabeli umwana umonsi wakwe Syeatieli, nga na Simapepo Mukulu Yesyua yali ndi vii: Selaya, Yelemiya, Ezila,

Neemiya 12:1 ပူးပေါင်းရင်းမြစ်များ

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Ezila 3:8

Nga alino lyene umu mwezi wakwe ciili uwa mwaka wakwe ciili pacisila ca kufuma mu uzya nu kufika pa cifulo apayelile Ng'anda ikulu yakwe Leza umu Yelusalemu, Zelubabeli umwana wakwe Syeatieli, na Yesyua umwana wakwe Yozadaki, iyatandika umulimo. Yene yazwiliziwe na ina yao asyala (kuli kuti yasimapepo na ina Levi nga na antu yonsi awelulwike ukufuma ku Babiloni ukwiza ku Yelusalemu). Pali pakusonta aina Levi a myaka amakumi yaili nanti ukuluta penepo apakuti yangaya akaangalila ya mulimo wi kuule lya ng'anda ikulu yakwe Yawe.

Ezila 4:2

Acino yiza kuli Zelubabeli nu ku akalamba ya lupwa nga iyayanena iyati, “Lekini tumwazwe uku kuula, pamulandu wakuti naswe kwene tukalondesya Leza winu wakwe vino mukamulonda. Tukaapeela ni mpolelwa kunoli ukutandika sile apa nsita yakwe Esalaadoni mwene wa ina Asilya, wiyo uwatulesile kuno.”

Ezila 5:2

Lyene Zelubabeli umwana wakwe Syeatieli nga na Yesyua umwana wakwe Yozadaki lino yuvwa mazwi yayo iyatandika uku kuula nupya Ng'anda ikulu yakwe Leza umu Yelusalemu. Nga yakasema yakwe Leza nayo ala yali pipi yakuyazwa.

Ezila 7:7

Umu mwaka kwene uwakwe cinimbali, uwa utesi wakwe Alitakisesi, aina Izlaeli yamwi, yasimapepo, aina Levi, yakiimba ya nyimbo pamwi na yakalinda ya mpongolo, ukwika penepo na aomvi yamwi, yizile uku Yelusalemu.

Neemiya 11:36

Impuka zimwi zya ina Levi aikalanga mu mpanga yakwe Yuda yaile yikala ku mpanga yakwe Benjamini.

Neemiya 12:10

Yesyua wali a isi wakwe Yoiyakimu, Yoiyakimu wali a isi wakwe Elyasyibu, Elyasyibu wali a isi wakwe Yoiyada.

Neemiya 12:2

Amaliya, Maluki, Hatusyi,

Neemiya 7:7

Intunguluzi zyao izya tungulwile cila umba a Zelubabeli, Yesyua, Neemiya, Azaliya, Laamiya, Naamani, Modekai, Bilisyani, Misipeleti, Bigivai, Neumu nga na Baana. Utantiko wa mazina ya ina Izlaeli awelulwike ukufuma umu uzya. Fwandi ii ali mpendwa ya onsi amu mutundu wa ina Izlaeli.

Hagai 1:1

Mu mwaka wakwe ciili uwa kuteeka kwakwe Dalyusi, apa wanda uwakutandika uwa mwezi wakwe mutanda, amazwi yakwe Yawe yafikiile kuli kasema Hagai. Amazwi yali akunena Zelubabeli, umwana umonsi wakwe Syeatieli, umulasi waku mpanga yaku Yuda. Nga alino nakuli Yoswa, umwana umonsi wakwe Yeozadaki, Simapepo Mukulu.

Hagai 1:12

Papo kwene ali pano Zelubabeli umwana umonsi wakwe Syeatieli, Yoswa umwana umonsi wakwe Yeozadaki, simapepo mukalamba, alino na antu yonsi awelulwike uku uzya iyacitila ndi muno Yawe wayapelile ilamulo. Nga antu yonsi iyuvwila malamulo yano Hagai, kasema wakwe Yawe, watungulwile, nga yuvwa intete izikalamba cuze.

Hagai 1:14

Lyene Yawe acincizya umwenzo wakwe Zelubabeli umwana umonsi wakwe Syeatieli, musika waku Yuda, na Yoswa umwana umonsi wakwe Yeozadaki, Simapepo Mukulu nga na antu yonsi pyu. Iyakatuka iyatandika umulimo wa kukuululula Ng'anda ikulu yakwe Leza Wa maka Onsi, Leza wao,

Hagai 2:2

Ni izwi lyalungime Zelubabeli umwana umonsi wakwe Syeatieli, musika mukulu uwa ku Yuda, na kuli Yoswa umwana umonsi wakwe Yeozadaki, Simapepo Mukulu nga na kuli yauze yonsi ukuti,

Zakaliya 6:11

Ukaye ukatole siluva na zaabu vino yatuuzile, ukapangemo icilongwe ca wene cakuzwika Simapepo Mukulu Yoswa umwana wakwe Yeozadaki.