Neemiya 10:37 - Amazwi Yakwe Leza 2013

³⁷ Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.

Neemiya 10:37 ပူးပေါင်းရင်းမြစ်များ

2 Milandu 31:6

Aikazi yonsi pyu amu misumba yamu mpanga ya Yuda nayo kwene yalesile icikumi apa ng'ombe zyao, imfwele zyao kumwi ni vya wila nyanya nu kuvipeela kuli Yawe Leza wao, nga yavitulika mu mitumbamitumba.

Neemiya 13:10

Nga nzana ukuti aina Levi yatapelwa ivipande vyao vino yali nu kupelwa. Lyene apamulandu wakwe cii, cila muntu walanga waswilila ku kulima calo cakwe.

Neemiya 13:12

Lino nacita vii, Ayuda yatandika ukwiza na mawila ya cikumi ca ngano, waini, na mafuta, kuti yapeela ku miputule yakusungilamo cuma.

Neemiya 13:5

nupya wazumilizye Tobiya kuti angaomvya umuputule ukalamba uno mpiti yasungilanga mwenemo ubani, uwila wa usu, icikumi ca ngano, waini na mafuta. Kuli kuti vyamusangulo vino yapaatwilanga aina Levi, yakiimba ya nyimbo, yakalinda ya mpongolo, na yasimapepo.

Neemiya 13:9

Alino impela ilamulo lyakuti yaswefye imiputule ilya nga nswilizyamo iviya vyonsi vyamu Ng'anda ikulu yakwe Leza kumwi na mawila ya mbezu nu ubani kwene.

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Kufuma 13:2

“Mwampaatwila ana yonsi mayeli aonsi. Mu ina Izlaeli umwana wensi umonsi wi yeli, umwana wa muntu nanti umwana wensi wa nyama uwakwane.”

Aina Levi 23:17

Kuli konsi kuno mukwikala, cila ng'anda ili nu kuleeta imikate iili nu kuipeela wa mawila kuli Yawe. Cila mukate ulinzile kupangwa na makilogalamu yaili a usu utonyoleke, utikinkanye ni citutumusi. Mikate ii, ilinzile kupelwa kuli Yawe wa wila wakuswelula uwa vizao vyankolelo.

Malaki 3:10

Ndetelini icikumi consi uku Ng'anda yane ikulu, pakuti mu Ng'anda ikulu yane muye ivyakulya. Lyene njezini mulole ndi ntangayula inzota umwiyulu nu kumupongolwela upolelelo nyanya wakwe cimwi.

Malaki 3:8

Uzye umuntu angiyila Leza? Awe citange cicitike. Lelo mwemo mukunjiya. Namwe muuzya muti, “Umu nzila cii?” Umu cikumi na mawila.

Mpendwa 18:15

“Mwana wensi iyeli, wino yalayampela, aye umuntu nanti iciteekwa, alaya uwakwinu. Lelo iyeli lya nyama ni lya muntu mukowele uce ulikulule.

Mpendwa 18:18

Iminyefu ya nyama zizyo yene iyakwako, wakwe vino inganga yapa wila wakuswelula alino nu mwendo wa kwilunji ivyakwako.

Mpendwa 18:21

Yawe avwanga ati, “Ku ina Levi, pa kuyalambula pa milimo yao ino yakaomba mwi Taalu lya Ukongano, nayapeela upyanyi wa kutoola pa cikumi consi cino aina Izlaeli yakampela. Ali malipilo ya kuomba kwao ukwa kuwaka Itaalu lya Ukongano.

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

Malango 14:22

“Mulinzile mwapaatula icikumi ica pali vyonsi vino mukazombola mu vyalo vinu cila mwaka.

Malango 18:4

Yene yalinzile kupelwa iviseekwa vyankolelo ivyapa mbezu, na waini, na mafuta ya miolivi, nga na pamba.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.