Neemiya 10:29 - Amazwi Yakwe Leza 2013

²⁹ twailundanya ku asambazi itu nu mulapo, ukuti tukawe nalyo ndi twakana ukuyela Masunde yakwe Leza yonsi yano watupeezile ukupitila muli Mose umuomvi wakwe. Tumayelanga vyonsi vino Yawe, umwene witu watunena. Nupya tumayelanga ivipope ni vyeo vyakwe Yawe umwene witu.

Neemiya 10:29 ပူးပေါင်းရင်းမြစ်များ

2 Yamwene 10:31

Lelo Yeu atatekile mu kuyela amalamulo yakwe Yawe, Leza wa ina lzlaeli nu mwenzo wakwe onsi. Wene watwalilile kucita iviipe vino Yeloboamu umwana wakwe Nebati walenzile kuti aina lzlaeli yacita.

2 Yamwene 23:3

Lilyo ale Yosiya aimilile mu lucesi luno yasimapepo yimililanga mwenemo. Ali pakucita upangano uwa kutontela Yawe, nu kuyela amasunde ni vyeo vyakwe, nu mwenzo wakwe onsi, na mano yakwe yonsi, na maka yakwe yonsi. Alino nu kwika vyonsi umu vicitwa ndi vino calembwa mu lupapulo kwene lulwa. Antu yonsi nayo ali pakuzumilizya ukulondela upangano uwa.

1 Milandu 9:2

Lyene ankolelo ukuwela nu kwikala mu mpanga yao nu mu misumba yao yali aikazi yamwi aku Izlaeli, aina Levi na aomvi yamu Ng'anda ikulu yakwe Yawe.

2 Milandu 34:31

Lilyo ala umwene Yosiya, aimi mu pipi nu lucesi ulwimililanga yamwene yonsi. Aswilizya nu kulaya upangano wakuti amayelanga sile Yawe. Amasunganga mu cisinka amasunde yakwe ni vipope vyonsi nu kulawaka amasunde ukulingana na muno yalembelwa umu lupapulo kwene lulo.

2 Milandu 6:16

Ali cino lyene fwandi, we Yawe Leza wakwe Izlaeli ungala usunge na malayo yano walavile tata Davidi umuomvi wako, lino wavwanzile uti, insita sile zyonsi swe ana yakwe Davidi, wenga uwamu mupanda wakwe tata amaikalanga apa cilimba ca wene, icakuteeka aina Izlaeli, cikulu sile naswe twalondela amasunde yako ningo wakwe vino Davidi umweneco wacitanga.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Neemiya 7:46

Aomvi aku Ng'anda ikulu yakwe Yawe nayo yali ndi vii: amu nko zyakwe Ziaa, Hasufa na Tabaoti.

Neemiya 8:2

Acino Ezila nawe ali pakuleta ulupapulo lwa masunde kuno iuvi lyakongine. Kwali kweneko aonsi, anaci kumwi na ance ali na mano akuuvwa. Cali apa wanda wakutandika umu mwezi wakwe cinimbali.

Neemiya 8:3

Papa kwene apa nkolelo ya Mpongolo ya Manzi, apano watankamala, watandika nu kuwelengela iuvi mu Lupapulo lwa Masunde, ukutandika sile uku macaca, suka lino ilanzi lyafika umutwe apakasi. Na yonsi ale yali cele nu kuvwikisya sana.

Neemiya 9:2

Fwandi yao atuntuka uku cikolwe cakwe Izlaeli yaipaatula aisikulu ku inamasi. Yimilila siki apakuti yaivwangile aineco apa maifyo yao nu utalami wao, nga ni nkota zya vikolwe vyao.

Neemiya 9:38

“Pamulandu wakwe vivyo vyonsi, icalenzile ukuti swe ina Izlaeli tuzumilizyanye ukucita upangano uu uwa ufumacumi. Twalemba apa cipampa. Twafwatika penepo ni nsimbi nu kusainapo amazina ya ntunguluzi zitu, aina Levi na yasimapepo itu.”

Masamu 105:45

apakuti antu yakwe yasunga amasunde yakwe, yalondela na malamulo yakwe.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 8:1

We Yawe, Mwene witu, iye mwe vino izina lyako lyacindama pano nsi ponsi! Ucindami wako wafika na pi yulu apapela.

Masamu 8:9

“We Yawe, Leza witu, ucindami wako waloleka pano nsi ponsi!”

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Yelemiya 26:4

Yawe wanena ukuti inene antu inti, “Anene ne Yawe navwanga ukuti yalinzile yalondele amasunde yano namupiile,

Yelemiya 34:15

Mwemo umwilelo mwaiyelako, mwacita icilungame apa manso yane, apa kuuma imbila, iyakuti cila muntu alinzile wapeela umuze untungwa. Mwapangana nu upangano apa manso yane umu ng'anda ikulu iyakumpepelamo, ikaamilwa umwi zina lyane.

Ezekelo 36:27

Mupasi wane auno ndiika munomuli, nupya ndasumbako amano wakwe cimwi apakuti muce mwawaka amasunde yane ni vipope vyane vino nemo namupeela.

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Malaki 4:4

“Iusyini ivya usambilizyo wa muomvi wane Mose, amasunde na malamulo yano namupiile pa mwamba wa Holebu kuti aina Izlaeli yonsi yayela.

Mpendwa 5:21

pa pene simapepo alinzile anene umwanaci wiyo kuzumila mulapo uu avwange kunoli ati, “Si Yawe aleke antu yako yakutipe nupya aleke uzewane pakuleka ivyanzwalo vyako vinyaluluke ni ila lya uvyazi wako lifupame, nga ni ndilwa yako ivimbe.

Yoane 1:17

Pano Leza wapile Masunde ku antu kupitila muli Mose, lelo Yesu Klistu watuletela uwila, cikuku nga ni cumi.

Yoane 15:14

Mwemwe yacuza yane ndi mukucita vintu vino namunena.

Yoane 7:19

Uzye Mose atamupiile Masunde yakwe Leza? Lelo muli mwemwe musi nanti wenga akayela Masunde. Uzye pacani mukulonda kunkoma?”

Milimo 11:23

Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene.

Milimo 17:34

Antu yamwi yailundanya kunoli, yataila. Wenga uwa munoyali a Dionisasi, uwali uwamu cilye ca Aleopago. Kwali nu mwanaci uwi zina lyakwe Damalisi, nga na antu yauze.

Milimo 23:21

Lelo utakuvwe kunoyali, pano antu ukuluta pa makumi yani yalafisama nu kumuteyamila. Yati yalaya nu mulapo ukuti yatakutala yalye nanti kumwa cili consi suka yakome Paulo. Ndakai yati yaiteyanya kuti yacicite, nupya yakulolela sile vino wiza landa.”

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Malango 33:4

Swemo tukayela amasunde yano Mose watupeezile, yano yaya icuma icikankala ica luko lwitu.

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Malango 5:32

“Acino fwandi mwe ina Izlaeli cenjelini nu kucita vino Yawe Leza winu wamupeela ilamulo kuti mucite. Mutakezye ukukana yela isunde lyakwe ilili lyonsi.