Mpendwa 9:6 - Amazwi Yakwe Leza 2013

⁶ Lelo kwali aonsi yamwi yao yano yakweyowizye pamulandu wa kukumya icala, nga yaposiwe kukumako ku kuzevya kwa Cimulo ca Ucilo, mu wanda kwene uwa. Ali pakwiza kuli Mose na Aloni.

Mpendwa 9:6 ပူးပေါင်းရင်းမြစ်များ

Kufuma 18:15

Mose aasuka ati, “Ndinzile ukucita vikwene pamulandu wakuti antu yakaiza kunondi kuti yuvwe vino Leza akulonda.

Kufuma 18:19

Ndakai leka nkupande amano yasuma, nupya Leza amaya nawe. Wemo cazipa waimilila antu ku manso yakwe Leza, nupya kuli Leza akuno watwala imilandu yakupusana kwao.

Kufuma 18:26

Intunguluzi zii zyapingulanga antu amanda pe. Imilandu ikome itupu iyatwala kuli Mose, lelo tumilandu tunono aliyo yapingulanga.

Aina Levi 21:11

Simapepo atalinzile ukwingila mu ncende umuli icala. Wene atalinzile kuilenga ukuya uwamifitalila nanti kukowezya Itaalu lyane lyamuzilo pa kulisya nu kuya ingila mu ng'anda umuli icala. Cisi cimwi cingaya icala cakwe isi nanti nyina kwene,

Aina Levi 24:11

Monsi wii, wino nyina wali mwina Izlaeli, lino yakulwa nu mwina Izlaeli asaalula izina lyakwe Leza, nu kulitipwila. Caleka yamutwala kuli Mose. Nyina wali a Syelomiti, umwana umwanaci wakwe Dibili uwamu mutundu wakwe Dani.

Mpendwa 15:33

Yao amulemile lino akutiya inkwi iyamutwala kuli Mose na Aaloni ni umba lyonsi,

Mpendwa 19:11

Wino wensi uwala wakumya icala ca muntu ali wensi alasyala mukowele pa manda cinimbali.

Mpendwa 19:14

Umuntu ndi cakuti wafwila umwi taalu, isunde ilyakukonka aili. Wiyo wensi uwala wingila umwi taalu kumwi na wiyo ali umwi taalu yalasyala akowele mpaka ukufika pa manda cinimbali.

Mpendwa 19:16

Wino wensi ali mu mpanga ndi cakuti wakumya ku muntu wino yatiyakoma nanti ku muntu uwataifwila imfwa Leza, nanti sile wakumya ukwi fupa lya muntu mufwe nanti ukwi lindi, ale wene wakowela, nu kusyala mukowele pa manda cinimbali.

Mpendwa 19:18

Alino umuntu asi uwa mulandu atoole musambo wa isopu nu kuutimpika mu manzi yao. Alino akupoolele api taalu na pa viya vyonsi kumwi na antu yonsi ali penepo, nupya alinzile akupoolele nu muntu kwene uwakumizye ukwi fupa nanti ku muntu wino yakomile, nanti pali wiyo uwakumizye ku muntu uwafwile imfwa Leza nanti pali wiyo uwakumizye ukwi lindi.

Mpendwa 27:2

Awe mukwai yiiza ku nkolelo yakwe Mose, simapepo Eleaza, intunguluzi, nga ni uvi lyonsi pa mulyango wi Taalu lya Ukongano nga yati,

Mpendwa 27:5

Awe mukwai Mose atuula mulandu uwo kuli Yawe.

Mpendwa 5:2

“Pela ilamulo ku ina Izlaeli kuti yazinge umuntu ali wensi mu nsakwe uwalwala tembwe nanti akafumya vimwi vili vyonsi ku vya nzwalo vyakwe, nanti wiyo uwaikowezya ku kukumya ku vyala.

Mpendwa 9:7

Nga yamunena yati, “Sweswe yakowele pamulandu wa kukumya ku cala, lelo pacani cino tutangazumiliziwa kwizapeela amawila itu apali ponga na anji aina Izlaeli pa nsita iyazumiliziwa?”

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.