Mpendwa 9:2 - Amazwi Yakwe Leza 2013

² “Ukaleke aina Izlaeli yace yaiusya ukuzevya Cimulo ca Ucilo pa nsita iyasontwa nga vino cilinzile ukuya.

Mpendwa 9:2 ပူးပေါင်းရင်းမြစ်များ

2 Yamwene 23:21

Umwene Yosiya apeela ilamulo ku antu yonsi ati, “Zevini Cimulo ca Ucilo apakucindika Yawe Leza winu, wakwe vino calembwa mu Lupapulo lwa Upangano.”

2 Milandu 35:1

Yosiya wazevizye Cimulo ca Ucilo apa kucindika Yawe mu Yelusalemu, nga yafyula nu mwana wa mfwele apa wanda walenga ikumi na yani uwa mwezi kwene ulya uwakutandika.

Ezila 6:19

Apa wanda walenga ikumi na yani uwa mwezi wakutandika, antu yano yawelulwike ukufuma ku uzya uku Babiloni yiusya nu kuzevya Cimulo ca Ucilo.

Aina Levi 23:5

“‘Cimulo ca Ucilo cino cikazeviwa pa kucindika Yawe, cikatandika lino ilanzi lyawa, pa wanda uwalenga ikumi na yani mu mwezi wa kutandika.

Mpendwa 28:16

“Pa wanda uwalenga ikumi na yani uwa mwezi wakutandika, palinzile paya ukucindika uwanda wa Cimulo ca Ucilo.

Mpendwa 9:3

Uwanda uwalenga ikumi na yani, uwa mwezi uu, lino ilanzi lyatemba ali nsita ino aina Izlaeli yalinzile kuzevya Cimulo ca Ucilo kulingana ni vipope nga na malamulo yakweco.”

Mako 14:12

Pa wanda wakutandika kuzevya Cimulo ca Mukate usi na Citutumusi, lino ana ya mfwele a Ucilo yakakomwa, alondezi yakwe yamuzya yati, “Uzye aukwi kuno ukulonda kuti tuye tukakuteyanyizizye Cimulo ca Ucilo?”

Luka 22:7

Lyene uwanda wa kuzevya Cimulo ca Mukate usi na Citutumusi ufika, lilyo lino ana ya mfwele a Ucilo yakakomwa.

Yoswa 5:10

Lino ilanzi lyawa pa wanda uwalenga ikumi na yani, lino yatenzi mu nsakwe zyao zino yakuuzile ku Giligali lwa ku manyika aku Yeliko, aina Izlaeli iyazevya Cimulo ca Ucilo.