Mpendwa 9:14 - Amazwi Yakwe Leza 2013

¹⁴ “Ainamasi yano yakaikala namwe ndi yakasi kuzevya Cimulo ca Ucilo, yalinzile yazevye kulingana ni vipope nga na malamulo yonsi. Ilamulo ilili lyonga kwene likumile umuntu wensi, cisi mulandu ndi wene umwinamasi nanti mukaya.”

Mpendwa 9:14 ပူးပေါင်းရင်းမြစ်များ

Ezila 6:21

Acino aina Izlaeli awezile ukufuma ku uzya yalile Cimulo ca Mukate usi na Citutumusi, pamwi na yonsi aipaatwile ku vicitwa vyonsi vya mifitalila vya inipamba Akulukuwa pakuti yangalonda Yawe, Leza wa ina Izlaeli.

Kufuma 12:43

Lyene Yawe anena Mose na Aaloni ati, “Malamulo ya Cimulo ca Ucilo aeya: Kusi mwinamasi umwi wakulya cakulya ca Cimulo ca Ucilo,

Kufuma 12:47

Aina Izlaeli yonsi yalinzile kuzevya cimulo cii.

Aina Levi 19:10

Mutaswilila mu vyalo vinu vya matingi ukuya kolonganika matingi yano yatiyapona pansi. Vyonsi vivyo musile alanda na inamasi. Nene indi Yawe Leza winu.

Aina Levi 22:25

“‘Mutapeela wa cakulya inyama ili yonsi yamusango uwo, ino mwafumya mu makasa ya mwinamasi. Inyama yamusango uwo iyononeke nupya ilemale.’”

Aina Levi 24:22

Isunde lii, lili nu kusungwa na mwe antu yonsi aina Izlaeli nga na inamasi yano yakwikala muno muli. Pano Nene indi Yawe Leza winu.”

Aina Levi 25:15

Umutengo wa mpanga iyo uli nu kulingana ni mpendwa ya myaka ino uli nu kulima nu kuzombola ivilimwa lino utacili kuti uswilizizye umwisikulu wa mpanga.

Mpendwa 15:15

Ali vino ni uvi kwene lilinzile lyacita. Kuce kwaya isunde sile lyonga, ku enyi na kuli mwe akaya. Ni sunde lii ilya kuwaka insita zyonsi mu nkulo zyonsi. Mwensi pamwi na enyi kwene pasi upusano ku manso yakwe Yawe.

Mpendwa 15:16

Kuce kwaya amasunde ali yamwi na malamulo ali yamwi kwene kuli mwemwe nu ku enyi yano yatenzi namwe.

Malango 29:11

na aci inu na ana inu, nga na inamasi akaikala pamwi namwe nu kumutiila inkwi nu kumusembela amanzi.

Malango 31:12

Muce mwakonganika antu yonsi, aonsi na anaci nga na ana kwene kumwi na inamasi akaikala mu misumba inu, pakuti yakayuvwile alino yasambilile ukoopa Yawe Leza winu nu kuya atekele pakulondela amazwi yonsi amwi sunde lii.