Mpendwa 7:19 - Amazwi Yakwe Leza 2013

¹⁹ Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mpendwa 7:19 ပူးပေါင်းရင်းမြစ်များ

Ezila 1:9

Impendwa ya viya vyatantikwe ndi vii: imbale zyakwe zaabu zyali amakumi yatatu (30), imbale zyakwe siluva zyali izimbi lyonga (1,000), utumbale tuze nato twali amakumi yaili na fundimbali (29).

Kufuma 25:29

Upange imbale ni ngako ni misazi ni ngeso vyakuomvya pa kupeela amawila ya vyakumwa. Vyonsi vii, vilinzile kupangwa na zaabu musuma cuze.

Yelemiya 52:18

Yasenda ni vikopo vyakupalilapo itwi, yafosyolo, imipeni, imbale zyakukanyizizyako, ni vyakusungilamo ubani pamwi ni viya vyonsi vya mukuwa vino yaomvyanga pa kupepa.

Aina Levi 2:1

“‘Lino umwi akupeela uwila wa usu kuli Yawe, uwila uwo ulinzile ukuya usu utonyoleke. Usu uwo atikinkanye na mafuta nu ubani.

Aina Levi 5:11

“Muntu ndi atakweti ivipeele viili nanti utwana twa nkunda twili, alete usu utonyoleke kulingana ni cipimo cakwe kilogalamu wenga. Usu uwo uye uwila wakwelela iifyo lino watacita. Atalinzile kuutikinkanya na mafuta nanti nu ubani, pamulandu wakuti uu uli wila wa kwelela amaifyo.

Zakaliya 14:20

Pa wanda kwene ulya yalalemba pa nyenjele zyakwe yakawalwe amazwi akuti, “Kawalwe wii, Wapaatwilwa Yawe.” Na pa ntendo zyamu Ng'anda ikulu yakwe Yawe zilaya wa ngeso pa nkolelo ya kavuwa.

Mpendwa 7:18

Uwatwazile uwila wakwe pa wanda wakwe ciili a Netaneli umwana wakwe Zuali, intunguluzi ya mutundu wakwe Isakali.

Mpendwa 7:20

Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

Mateo 14:8

Lyene nyina anena mwana ati, “Yanga kamulenge uti, ‘Umpeele ndakai kwene umutwe wakwe Yoane Kawatizya pa mbale.’ ”

Mako 6:25

Mukazyana aswilila zuwa ku mwene, amulenga ati, “Nkulonda umpeele ndakai kwene umutwe wakwe Yoane Kawatizya pa mbale!”