Mpendwa 7:13 - Amazwi Yakwe Leza 2013

¹³ Uwila wakwe, walesile imbale yonga yakwe siluva iyanyomile kulingana na kilogalamu wenga na citika. Alino aikapo ni mbakuli yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mpendwa 7:13 ပူးပေါင်းရင်းမြစ်များ

1 Yamwene 7:43

Alino nu kupanga ivibaala ikumi lyonga na mabeseni nayo ikumi lyonga akuteeka pa vibaala kwene vivyo.

1 Yamwene 7:45

Alino nupya ukupanga intendo, yafosyolo, ni mbakuli. Iviya vyonsi pyu vino Hulamu wapanzile vyali ivya mukuwa uswepe.

Ezila 8:25

Ali yano nemo pamwi nayo twapima amawila yakwe siluva na zaabu pamwi ni viya vino umwene Alitakisesi na yacilolo yakwe, na yamusika yakwe, na ina Izlaeli yapiile ivyakutuula ku Ng'anda ikulu yakwe Leza, nga nani pali pakuvipeela kuli yasimapepo.

Kufuma 25:29

Upange imbale ni ngako ni misazi ni ngeso vyakuomvya pa kupeela amawila ya vyakumwa. Vyonsi vii, vilinzile kupangwa na zaabu musuma cuze.

Kufuma 30:13

Ali wensi wino ali mu mpendwa yakupenda kuko apeele kulingana nu mutengo uno ukulondwa. Kuli kuti impiya zya masyekele zinyome kulingana na magalamu mutanda, kulondela cipimilo caku ng'anda yakwe Leza (syekele wenga alingine na magela amakumi yaili). Impiya kwene zii izyakupeela uwila kuli Yawe.

Kufuma 37:16

Nupya apanga viya vyakwe zaabu musuma cuze vya pi tebulo lilyo ivili wa mbale, imbakuli ni ngeso, vya kuombela imilimo pa kupeela amawila ya vyakumwa.

Yelemiya 52:19

Musika wa vita wilya atoola amabeseni, ivyakupembelapo umoto, imbale zyakusansila amanzi ni vyakutekapo inyali, ivifutikilo ni ngeso navyuze vyonsi ivyapangwa na zaabu na siluva.

Danieli 5:2

Lino yacili yakumwa Belisyazali apeela ilamulo kuti yalete ingako ni ngeso zyakwe zaabu na siluva vino isi Nebukadineza wafumizye umu Ng'anda ikulu yakwe Leza ku Yelusalemu. Umwene watumile kuti yamuletele apakuti aliwe, ni vilolo vyakwe, aci yakwe na aci yakwe apa mbali yangamwelamo.

Aina Levi 2:1

“‘Lino umwi akupeela uwila wa usu kuli Yawe, uwila uwo ulinzile ukuya usu utonyoleke. Usu uwo atikinkanye na mafuta nu ubani.

Aina Levi 27:25

Mitengo yakwe vyonsi ilinzile kwikwa kulingana ni cipimilo caku Ng'anda ikulu yakwe Leza

Aina Levi 27:3

Pa muntu umonsi ukufuma pa wa myaka amakumi yaili kufika pa wa myaka amakumi mutanda yakuvyalwa, alinzile ukulipa yasiluva amakumi yasano ukulingana ni cipimo ca ku Ng'anda ikulu yakwe Leza.

Zakaliya 14:20

Pa wanda kwene ulya yalalemba pa nyenjele zyakwe yakawalwe amazwi akuti, “Kawalwe wii, Wapaatwilwa Yawe.” Na pa ntendo zyamu Ng'anda ikulu yakwe Yawe zilaya wa ngeso pa nkolelo ya kavuwa.

Mpendwa 15:4

Lyene umuntu wino waleta uwila wakwe alinzile ukupeela uwila wa cakulya pa kavuwa kuli Yawe. Vivyo vilinzile vyaya icitundu ca usu wa ngano utonyoleke utikinkanye na lita wenga uwa mafuta ya miolivi.

Mpendwa 28:5

Mwapeela impolelwa zii pamwi na kilogalamu wenga uwa usu utonyoleke ningo uwa wila wa cakulya uno yatikinkanya na mafuta yakwenga angalingana na lita wenga.

Mpendwa 29:6

Vii, ali vyakulunda pa wila wakoca uno yakupeela cila wanda pa wanda wakutandika wa cila mwezi ukulunda penepo pa wila wa cakulya nga nu wila wa vyakumwa. Yene amawila akocela Yawe, amununko usuma ukazanzya Yawe.

Mpendwa 3:47

Pali cila mwana mulinzile ukulipa impiya zyakwe siluva zisano kulingana ni cipimilo caku Ng'anda ikulu yakwe Leza.

Mpendwa 7:12

Uwatandikile kutwala uwila wakwe pa wanda wakutandika, a Nasyoni umwana wakwe Aminadabu, uwamu mutundu wakwe Yuda.

Mpendwa 7:14

Alino ni mbale yonga yakwe zaabu ino tungati yanyomile kota wakwe kilogalamu, umwali ubani.

Mpendwa 7:73

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mateo 14:11

Lyene yaleta umutwe pa mbale, yaupeela ku mukazyana, nawe autwala kuli nyina.

Mateo 14:8

Lyene nyina anena mwana ati, “Yanga kamulenge uti, ‘Umpeele ndakai kwene umutwe wakwe Yoane Kawatizya pa mbale.’ ”