Mpendwa 6:27 - Amazwi Yakwe Leza 2013

²⁷ Alino Yawe avwanga ati, “Ndi yataka izina lyane ukuya upolelelo pa ina Izlaeli, indayapolelela.”

Mpendwa 6:27 ပူးပေါင်းရင်းမြစ်များ

Utandiko 32:26

Muntu wilya ati, “Watiwaca, leka napita.” Lelo Yakobo avwanga ati, “Ntakukuta, mpaka utale umpolelele.”

Utandiko 32:29

Yakobo ati, “Nakupapata nena izina lyako, uzye weweni?” Nawe auzya ati, “Uzye pacani cino wanguzizya izina?” Lyene papo kwene apolelela Yakobo.

2 Samueli 7:23

Nupya kusi yano tungakolanya ku antu yako aina Izlaeli, uluko longa pano pansi luno Leza waile ku kukulula ukuti yangaya antu yakwe. Na kuti alumbuke, nga nu kucita ivizungusyo ivikulu ivyakoofya pa kuzinga imitundu ya inamasi kumwi na tuleza twao pa nsita ino antu yako yakwingila mu mpanga ya ulayo ukufuma ku Eguputo kuno wayakulwile.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Masamu 5:12

Umu cumi, we Yawe, ukapolelela yayo akacita ivyaololoke nu kutemwa kwako kukayacingilila wa cisyangu.

Masamu 67:7

Leza, ala watutupolelela. Antu insi yonsi kayakucindika.

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Ezaya 43:7

Ya yonsi yakaamilwa kwi zina lyane, nene nayaumvile kuti yampela ululumbi, nayapanzile nu kuyapeela umi.”

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Mpendwa 23:20

Yanenyile ukupolelela Nga lino Leza wapolelela, nemo ntange nkaule upolelelo.

Mateo 28:19

Caleka yangini konsi mu nsi mucite antu amu nko zyonsi kuya alondezi yane. Mwayawatizya mwi zina lyakwe Tata, nu Mwana, nu Mupasi Wamuzilo,

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

Malango 28:10

Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.