Mpendwa 6:12 - Amazwi Yakwe Leza 2013

¹² Alinzile kuipeela wensi pyu mu umi wakwe kuli Yawe wa mwina Nazili. Ali cino fwandi ali nu kuleta imfwele, suuku wa mwaka onga, wino alaya uwila wa cizumila mulandu. Amanda akucisila yasikupendelwako ukuti wali mupaatulwe, pano wene wakowizye inyele zyakwe.

Mpendwa 6:12 ပူးပေါင်းရင်းမြစ်များ

Kufuma 12:5

Mulinzile kulonda kana ka mfwele nanti kana ka mbuzi ka mwaka onga akaula ulema.

Ezekelo 18:24

“Lelo umuntu musuma ndi wata kuzifya, watandika nu kwifya, amacita ni vintu iviipisye ivikacita antu aipe, uzye umuntu wiyo angaya nu umi? Awe foo. Ni visuma vyonsi vino wacita yatange yaviusye. Angafwila pa utalami wakwe na pa viipe vino wacita.

Aina Levi 14:24

Simapepo alinzile kutoola umwana wa mfwele ya wila wa cizumila mulandu alino atoole na mafuta ya miolivi, nga aviswelwile pa manso yakwe Yawe wa wila wakuswelula.

Aina Levi 5:6

Na pa uvunuko wi ifyo lyakwe, wene alinzile ukuleta kuli Yawe uwila wa kwelela amaifyo, imfwele nanti imbuzi yakaci. Alino simapepo acite ulutambi lwa kufuta amaifyo ya muntu wiyo wataifya.

Aina Levi 5:7

Lelo ndi cakuti umuntu atakweti umwana wa mfwele nanti wa mbuzi, lyene atoole ivipeele viili nanti utwana twa nkunda twili kuti viye ivyakupeela kuli Yawe, alipile pa maifyo yakwe. Conga ciye uwila wa kwelela amaifyo ni cuze ciye uwila wakoca.

Mpendwa 6:11

Lyene simapepo ali nu kupeela kuli Leza, inkunda yonga wa wila wa kwelela amaifyo nayuze ya wila wakoca kuti acitile umuntu wiyo ulutambi lwa kufuta amaifyo kwi iifyo lino akowile pamulandu wa kupalama ku cala. Na pa wanda kwene uwo umuntu ala wapaatwila cipya cipya umutwe wakwe kuli Yawe.

Mpendwa 6:13

Lyene lii, ilili sunde lya kulondela pa wanda uno umwina Nazili wamalila amanda akupaatwilwa kwakwe. Yalinzile yamutwale ku mulyango wa kwingilila kwi Taalu lya Ukongano.

Mateo 24:13

Lelo wino wensi alaposya kufika nu ku mpelelekezyo wene alatuulwa.

Mateo 3:15

Lelo Yesu amunena ati, “Ndakai leka cicitike vikwene, pano catuzipila kuti tucite ivyawololoke vyonsi vino Leza akalonda.” Alino Yoane azumila.

Yakobo 2:10

Wino wensi uwakana kuyela isunde lyonga wene ali nu mulandu uwa kuntayela masunde yonsi.

2 Yoane 1:8

Cenjelini kuti mutaponzya cino mwaombela. Lelo mwezye na maka kuti mukapoke icilambu icipuma.