Mpendwa 5:7 - Amazwi Yakwe Leza 2013

⁷ Wene alinzile wailongwela iifyo lino watacita alino na pakulipa alinzile kuwezya cino watatola. Alino alundepo icipande conga pali visano pali cino watalipa. Alino aswilizye vyonsi vii kuli wiya wino aifizye.

Mpendwa 5:7 ပူးပေါင်းရင်းမြစ်များ

Masamu 32:5

Ali vino nasuka nakulongwela amaifyo yane, ukwaula ukukufisa nanti lyonga. Navwanga nati, “Kanje kuli Yawe nkailongwele amaifyo yane,” nawe fwandi ali pa kunjela uluse uku viipe vyane vyonsi.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Aina Levi 26:40

“Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Aina Levi 5:15

Muntu umwi ndi watala mulandu mu kuntamanya, pa kuposiwa ukulipa ivyamuzilo kuli Yawe, wene alinzile ukuleta impolelwa kuli Yawe, suuku nanti sawe uwaula ulema, iye uwila wa cizumila mulandu. Umutengo wakweyo ulinzile kupimwa kulingana ni cipimo ca ku Ng'anda ikulu yakwe Leza. Ukwene uli wila wa cizumila mulandu.

Aina Levi 5:16

Muntu wiyo alinzile ukulipa kuti aswilizye pa vintu vivi vino waposiwe ukulipa. Lyene aungilizyepo icintu conga pali cila visano. Alino avitwale kuli simapepo, nga simapepo wiyo acite ulutambi lwa kufuta amaifyo ya antu, lyene umuntu wiyo alelelwa.

Aina Levi 5:5

Lino muntu ali nu mulandu, wene alinzile kuilongwela iifyo lyakwe.

Aina Levi 7:7

Isunde lili limwi kwene likumile uwila wa kwelela amaifyo nu wila wa cizumila mulandu. Amawila yoili yaa akwe simapepo wino akacita ulutambi lwa kufuta amaifyo.

Mpendwa 5:8

Lelo ndi cakuti wino yafyenzile wafwile alino pasi nu muntu wakwe uwakuti yapeele, lyene ale ivyakulipa vilinzile vilipwe kuli Yawe. Nu wakulya ivintu vivyo ale a simapepo. Na vivyo ale ivyakulunda pali suuku wino simapepo akuomvya pakucita ulutambi lwa kufuta amaifyo.

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”

Yoswa 7:19

Lyene Anena Akani ati, “Uwi mwanane, sungala ulande icisinka pa manso yakwe Yawe Leza wa ina Izlaeli nga wemwisikulu uilongwele kunoli. Unene sile vino watucita, utezya umfise nanti kamwi.”