Mpendwa 4:5 - Amazwi Yakwe Leza 2013

⁵ Lino insita ya kusamya insakwe yafika, Aaloni na ana yakwe yalinzile kwingila mukasi ki Taalu lya Ukongano nu kusamula insalu ya kucinga Mbokosi ya Upangano nga yavimbe mbokosi kwene iyo.

Mpendwa 4:5 ပူးပေါင်းရင်းမြစ်များ

1 Milandu 15:15

Alino aina Levi yanyemula Mbokosi ya Upangano apa mipingilo pa viye vyao, wakwe vino Mose wapile ilamulo ndi muno Yawe wamunenile.

1 Milandu 23:26

Acino nupya cisikulondekwa ukuti aina Levi yasenda Itaalu lya Ukongano ni viombelo vyonsi ivikaomviwa apa kupepa.

2 Milandu 3:14

Alino yapikwile ni cisalu, icakucingilizya icitelepelele nu kucisenula umwi langi lya cifungo, ni liyenzulukile, alino ni liyenzu cee. Yapikwila penepo na yakelubi.

Kufuma 36:35

Lyene yapanga insalu yakucingilikizya ya cifungo, ni iyenzu alino na yakwe bafuta mutelepe nupya mupangwe ningo. Lyene yapikula yakelubi kweneko.

Kufuma 40:3

Mbokosi ya Upangano umuli amawe ya umboni uwike muno kwene, nupya Mbokosi ya Upangano iyo uivimbe ni nsalu pakuti uicingilile.

Kufuma 40:5

Lyene wike kavuwa kakwe zaabu ka kocelapo ubani ku nkolelo ya Mbokosi ya Upangano. Pa mulyango wi Taalu lyakwe Leza ukowekepo insalu zyakucingilikizya.

Ezaya 25:7

Apa mwamba kwene uu, ali pano alasisya ikumbi lya ulanda lino lyavimba antu amitundu yonsi, ilyafupilizya antu amu nko zyonsi.

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Mpendwa 10:14

Inzipa ya nsakwe zya mutundu wakwe Yuda iyatandike ukupita kulingana namuno yayatantikile. Ni ntunguluzi yao wali a Nasyoni umwana wakwe Aminadabu.

Mpendwa 4:15

Lino Aaloni na ana yakwe yalamala kuvimbilikizya vintu vyamuzilo pamwi ni viombelo vyonsi, lyene ali lino ana yakwe Koati yali nu kwiza vikusya. Lelo yatalinzile kukumya ku vyamuzilo, pano ndi yacita vivyo yalafwa. Fwandi aluko lwakwe Koati yalinzile kusenda viya vya mwi Taalu lya Ukongano lyonsi lino yakulisezya.

Mpendwa 4:4

Fwandi incito ya ina Koati ukuwaka vintu vyamuzilo cuze.

Mpendwa 7:9

Lelo Mose atapezile celeta nanti lyonga nanti a masaye kwene ku aluko lwakwe Koati, pamulandu wakuti yene incito yao yali iyakupinga ivintu vyamuzilo pa viye vyao wa ncito ino yapezilwe kuwaka.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

Ayebulai 10:20

Wene watuyulila inzila ipya kupitila mu cisalu ca kucinga, kuli kuti kupitila mu mwili wakwe.

Ayebulai 9:3

Kucisila ca cisalu ca kucinga kwali Ncende Yamuzilo Kuluta.

1 Samueli 6:19

Yawe wakomile aonsi yamwi aina Beti Syemesyi amakumi cinimbali, pamulandu wakuti yene yasungamile mu Mbokosi ya Upangano yakwe Yawe. Fwandi antu pali pakulosya pamulandu wakuti Yawe wakomile antu aingi sana munoyali.