Mpendwa 4:33 - Amazwi Yakwe Leza 2013

³³ Fwandi iyo ili milimo ya aluko lwakwe Melali mu kuomba kwao kwa mwi Taalu lya Ukongano. Ni ntunguluzi yao a Itamali umwana wakwe Aaloni simapepo.”

Mpendwa 4:33 ပူးပေါင်းရင်းမြစ်များ

Kufuma 38:21

Ii, iili mpendwa yakwe zaabu, siluva, nu mukuwa vino yaombile imilimo mwi Taalu lyakwe Yawe, mumo muno vipampa vya mawe apalemvilwe Masunde vyasungwa wakwe vino Mose wapeezile ilamulo. Aina Levi ali yano yali nu ulasi wa kuvipenda, nupya uwayatungululanga a Itamali umwana wakwe Aaloni simapepo.

Ezaya 3:6

Kuliza insita ino amu lupwa ululi longa kwene, yalasola umwi apa mwao nu kumunena iyati, “Nga vino awewe sile ukweti icakuzwala icicindame. Fwandi awewe kwene ulinzile waya simatongwa apa mwitu, uteeke ni vitalang'anda vya matongwa yaa!”

Mpendwa 4:28

Fwandi iyo ili milimo ya nko zyakwe Gelisyoni ino yalinzile ukuomba mwi Taalu lya Ukongano. Itamali umwana wakwe Aaloni simapepo alinzile kwangalila imilimo yao.

Mpendwa 4:32

Alino ni mpanda pamwi ni mpopo zyakusimpa ukuzingulusya musolo. Nu tupopo twa ku myando pamwi nu tunkolonkolo tonsi utungalondekwa. Muli nu kuyasontelela vino yali nu kusenda nu kuvilumbula mazina.

Mpendwa 4:34

Awe mukwai Mose na Aaloni pamwi ni ntunguluzi zya maumba, iyapenda ana yakwe Koati kupitila mu nko zyao nu mu ng'anda zyao.

Mpendwa 7:8

Amaceleta yani na yamasaye cinani avipela ku luko lwakwe Melali, kulingana ni vyalondekwanga mu mulimo wao. Itamali, umwana wakwe Aaloni simapepo, wali ali kangalila wao.

Yoswa 3:6

Alino Yoswa anena yasimapepo ati, “Nyemulini Mbokosi ya Upangano nga mupite mukolelele antu.” Acino iyakatusya Mbokosi nga iyakolelela antu.