Mpendwa 35:8 - Amazwi Yakwe Leza 2013

⁸ Misumba ino mukupeela aina Levi mulinzile mwaipenda ku mpanga ya ina Izlaeli. Wiyo uwakwata impanga ikulu ali wino mungafumya kweneko imisumba ivuleko. Na wino wakwata impanga icepe, nawe mungafumya kweneko imisumba icepelileko. Cila wensi ali nu kucekulako kamwi aka kupeela ku ina Levi, pa misumba ino wakwata, ukulingana ni mpanga ino wapilwe.”

Mpendwa 35:8 ပူးပေါင်းရင်းမြစ်များ

Utandiko 49:7

Citipu ciye pa ukali wao, pano wene ukaoofya cuze, nupya citipu ciye pa cipyu cao pano cakalalisya cuze. Ndayapasila mu nko zyakwe Yakobo, nu kuyasalanganyizizya mu nko zyuze zya ina Izlaeli.

2 Milandu 11:14

Icalenzile kuti yasimapepo yakwate ukusya imfwele zyao umu ncende zyao zyakucemelamo kumwi ni mpanga yao nu kuya ku kwikala umu Yuda nu mu Yelusalemu, umulandu wakuti umwene Yeloboamu uwaku Izlaeli, walesizye yasimapepo yonsi aina Levi ukuomba umulimo wao uwa usimapepo, uku kucindika Yawe Leza wa ina Izlaeli.

Kufuma 16:18

Lelo lino yapima pa cipimilo ca makilogalamu yaili yalola ukuti yano yakolonganike twingi tutalusile pa cipimilo, na yano yakolonganike tunono tutacefile foo. Cila muntu wakolonganike kulingana na vino walondanga.

Aina Levi 25:32

Lelo mang'anda yano yali mu misumba ya ina Levi, aina Levi yene yakweti nsambu ya kukulula mang'anda yao insita ili yonsi.

Mpendwa 26:54

Uluko ululi ni mpendwa ikulu, uce ulupeele nu musonso ukulu. Na yano yali ni mpendwa inono, nayo uce uyapeele impanga inono. Umuntu wensi ace apelwe impanga ukulingana ni mpendwa ya antu yakwe.

Mpendwa 33:54

Muce mwankanye ningo impanga ukulingana ni mitundu inu. Mukaomvye musango wakupendola pa kwankanya. Umutundu uno ukweti antu aingi uli uno muce mupeele impanga ikulu. Na uno wacepelako imuupela impanga icepelile kweneko. Nupya pano caponela lino mukupendola pali pano imumupela ni mpanga yakwe. Muce mwankanye impanga ukulingana ni mpendwa umwayela ivikolwe vinu vyonsi.

Mpendwa 35:9

Yawe apeela ilamulo kuli Mose