Mpendwa 35:22 - Amazwi Yakwe Leza 2013

²² Lelo ndi cakuti wene wamukomile ukwaula ulupato, ale caya sile nsula ali wamukoma wafwa, pa kumusunka nanti kumutama na cimwi.

Mpendwa 35:22 ပူးပေါင်းရင်းမြစ်များ

Kufuma 21:13

Lelo ndi cacitika sile mu uzanzo, wene atamupanga kumukoma, lyene umuntu wiyo apuukile ku cifulo cino ndamupaatwila, akuno azine.

Mpendwa 35:11

muce musolole imisumba iyakuzina mwenemo, kuko kuno umwi uwakoma umuze ukwaula umufulo angutukila.

Mpendwa 35:20

Ndi cakuti umuntu umwi uwazunya umuze wamukoma, ukumulandu nu lupato, nanti wamupola na cimwi nu kufwa wafwa,

Mpendwa 35:21

nanti sile wamuma ni kofi wafwa, ale uwamumile ali nu mulandu, nga nawe kwene alinzile ukukomwa. Nupya kalandula wa wazi ndi wamukomenkanya, ali nu kumukoma.

Mpendwa 35:23

Nanti limwi atamuweni, alino wamuponyezya iwe, nu kufwa wafwa, umucifulo cakuti atamupata nanti panono,

Malango 19:5

Umukukolanya katuvwange tuti, antu yaili ndi cakuti yaya mu mpanga ku kutema lyene lino wenga akukoma umuti, alino impasa yasokoka yakoma umuze wafwa nu kufwa. Umuntu wiyo uwakoma umuze angapuukila ku muzi onga pali iyo, akuno akazine. Nu kupusuka ale wapusuka.

Yoswa 20:3

pakuti umwi ndi wakoma umuntu muze mu uzanzo nupya kusi ku mufulo, wene angutukila kweneko ku kuzina ukufuma kuli kalandula.

Yoswa 20:5

Ndi cakuti kalandula wamulondelela pacisila, yene yatalinzile kumupeela mu makasa yakwe, pamulandu wakuti wene wakomile umuze kusi ku mufulo nanti ukumupangila.