Mpendwa 35:2 - Amazwi Yakwe Leza 2013

² “Nena aina Izlaeli ukuti yalinzile ukupeela aina Levi ku mpanga yao, imisumba iya kwikala mwenemo alino ni mpanga yamulemvwe iyakucemela mwenemo ino izingulwike imisumba iyo. Misumba iyo ilaya ivifulo vyao ivyakwikala mwenemo.

Mpendwa 35:2 ပူးပေါင်းရင်းမြစ်များ

1 Milandu 13:2

Lyene anena iuvi lyonsi lya ina Izlaeli akongine ati, “Ndi camuzipila, nupya ndu kulonda kwakwe Yawe Leza witu, lekini tutume amazwi ku ina itu yonsi aikala konsi mu mpanga ya Izlaeli. Alino nu ku ina Levi yonsi aikala pamwi na aliyo mu misumba nga nu ku mpanga zya mulemvwe izyakucemelamo, kuti yize ku kwikala naswe.

2 Milandu 11:14

Icalenzile kuti yasimapepo yakwate ukusya imfwele zyao umu ncende zyao zyakucemelamo kumwi ni mpanga yao nu kuya ku kwikala umu Yuda nu mu Yelusalemu, umulandu wakuti umwene Yeloboamu uwaku Izlaeli, walesizye yasimapepo yonsi aina Levi ukuomba umulimo wao uwa usimapepo, uku kucindika Yawe Leza wa ina Izlaeli.

2 Milandu 31:19

Yasimapepo, ana yakwe Aloni, yano yikalanga umu mpanga zya mulemvwe umu misumba yao, yakweti antu yao yano yalemvile amazina, apakuti yayazwilizya kweneko umonsi ali wensi uwamuli yasimapepo apakuti angapokelela icipande cino alinzile kukwata nga na wensi uwalemvilwe umu mupanda wa ina Levi.

Neemiya 13:10

Nga nzana ukuti aina Levi yatapelwa ivipande vyao vino yali nu kupelwa. Lyene apamulandu wakwe cii, cila muntu walanga waswilila ku kulima calo cakwe.

Ezekelo 48:22

Fwandi ukutandikila ku cipande ca ina Levi ni mpanga ya musumba, vino vyaya mukasi ka cipande ca ntunguluzi, vyonsi ivyaya pakasi ka mupaka wa ina Yuda nu mupaka wa ina Benjamini vilaya vya ntunguluzi.

Ezekelo 48:8

Ukusuntikana na Yuda, ukutandikila ku mupaka waku ufumondaka nu kufika ku mupaka waku uwondaka, cilaya icipande cipaatulwe. Umu utali cilaya amakilomita ikumi na yaili, nu kusalala kuli kumwi kwene ukutandika ku ufumondaka ukufika nu ku uwondaka kwene. Ng'anda ikulu yakwe Leza ilaya mukasi.

Mpendwa 35:1

Yawe anena Mose, ala yali mu manyika aku Moabu, umupipi na Yodani, ulunga na Yeliko, ati,

Mpendwa 35:3

Yene yalakwata imisumba yakwikala mwenemo nga ni mpanga yamulemvwe iyakucemela mwenemo iviteekwa vyao ivili wa ng'ombe, imbuzi, imfwele, yapunda, ni viteekwa vyuze ivyasyala.

Malango 18:6

“Umwina Levi ali wensi wino akasi angiza ku ncende yonga iyakupepela penepo ukufuma ku musumba uli onsi mu Izlaeli.