Mpendwa 34:3 - Amazwi Yakwe Leza 2013

³ Umupaka uwaya lwaku kaeya ulatandikila ukufuma mu Lwanga lwa Zini ukwemanya nu mupaka waku Edomu. Alino nu mupaka winu uwa kwi kasa lyakwe ndilo, ulatandikila ku ufumondaka, lwa ku mpela ku kaeya kakwe Yemba wa Musilya.

Mpendwa 34:3 ပူးပေါင်းရင်းမြစ်များ

Utandiko 14:3

Yamwene yaa yasano yuvwana kuminkanya ivita vyao mu cifoloma ca Sidimi (Ndakai cikaamwa ukuti Yemba wa Musilya).

Kufuma 23:31

Ndapanga mumpaka ukufuma kuli Yemba Muyenzu mpaka nu kufika kuli Yemba Mukulu wa ina Filisti. Nupya ukufuma ku lwanga mpaka kufika nu kuluzi lwa Yufulate. Ndalenga kuti muye na maka pa antu amu mpanga iyo nu kuyazinga.

Ezekelo 47:13

Yawe Simwandalali anena ati, “Yanande yaa avyalo vyakwankanyizizya imitundu ya ina Izlaeli ikumi na iili. Yosefu alapoka ivipande viili.

Ezekelo 47:8

Anena ati, “Amanzi yaa yaya ku mpanga yaku ufumondaka, yatentemukila ku Alaba, nu kuyaingila kuli yemba. Na pakuponela muli yemba yamusangula amanzi asuma.

Mpendwa 13:21

Caleka yatumbela ku kwendezya impanga ukutandikila ku Lwanga lwa Zini, nu kufika ku Leobu, pipi na pano yakaingilila ku Lebo Hamati.

Yoswa 1:4

Impanga inu ilatandikila ku lwanga ku kaeya ukufika nu ku Myamba ya Lebanoni mpaka nu ku Luzi lwa Yufulate alino nu kwiza senuka ku mpanga yonsi iya ina Hiti mpaka nu kwizasinta kuli Yemba wa Adiliya, yonsi ii ilaya impanga inu.

Yoswa 3:16

amanzi ukufuma ukupela ya luzi iyata ukupita. Amanzi iyatulumana kufika na papela ya cituntu kulingana intampulo izingi ukuwelela icisila, ukufika na lwaku musumba wa Adamu, pipi nu ku Zaletani. Pa nsita ili imwi kwene amanzi yano yakonkolokanga yakuya kuli Yemba wa Alaba (kuli kuti Yemba wa Musilya) iyata ukupita iyaputuka. Acino antu iyalambila ku mbalama yuze kulungatana nu musumba wa Yeliko.