Mpendwa 32:29 - Amazwi Yakwe Leza 2013

²⁹ “Ndi cakuti aina Gadi na amu mutundu wakwe Lubeni yalamba Luzi lwa Yodani ku kulwa inkondo pamwi namwe, alino mwaya mwacimvya ulwi ku maka yakwe Yawe, lyene muce muyapeele impanga ilya ya Gileadi iye iyakwao.

Mpendwa 32:29 ပူးပေါင်းရင်းမြစ်များ

Mpendwa 32:17

Lyene alino swemo sweisikulu tulasenda ivyanzo nu kukolelela aina Izlaeli pa nkolelo. Tulayatwala nu ku ncende ino yayasontelile. Ana itu yalasyala yakwikala mu misumba izingulusye na malinga ku mulandu wa kuyacingilila ku ikazi ya mpanga ii.

Mpendwa 32:28

Lyene Mose pali pakupeela malamulo kuli Eleaza simapepo na Yoswa umwana umonsi wakwe Nuni nga nu ku ntunguluzi zya ng'anda zya mitundu ya ina Izlaeli, ati,

Mpendwa 32:30

Lelo ndi cakuti yatasenzile ivyanzo vyao, yakana nu kulamba, ale lyene yali nu kwankanyiwa impanga mu Kenani pamwi na ina Izlaeli yauze.”

Yoswa 12:6

Mose, umuomvi wakwe Yawe, pamwi na ina Izlaeli iyayacimvya nga apeela ni mpanga yao ku amu mutundu wakwe Lubeni, nu ku amu mutundu wakwe Gadi, nu ku mutundu pakasi wakwe Manase.

Yoswa 13:11

Alino ukwikapo na Gileadi, impanga ya antu aku Gesyuli nu ku Maaka, nu ku Mwamba wa Helimoni onsi nga nu ku Basyani konsi ukufika nu ku Saleka.

Yoswa 14:3

Mose wapeezile icaupyanyi ku mitundu iili na onga pakasi lwaku ufumondaka wa Luzi lwa Yodani. Lelo aina Levi atayapezile icaupyanyi wakwe vino wacisile ku mitundu yuze.

Yoswa 18:7

Lelo amu mutundu wakwe Levi yasi nu kupelwa impanga, pasi pano yene ukutumikila wakwe yasimapepo yakwe Yawe icili cuma cao. Alino nu kuya, amu mutundu wakwe Gadi, nu mu mutundu wakwe Lubeni, nga nu mutundu pakasi wakwe Manase, yene pankanyiziwa mpiti impanga yao lwaku ufumondaka wa Luzi lwa Yodani, impanga ino Mose umuomvi wakwe Yawe wasile wayapeela.”

Yoswa 22:9

Acino amu mutundu wakwe Lubeni, na wakwe Gadi nga nu mutundu pakasi wakwe Manase iyasya aina Izlaeli pa Syilo mu Kenani kuti yaswilile ku Gileadi, impanga yao, ali kuno iyacita icifulo cao, ukulingana navino Yawe wapile ilamulo ukupitila muli Mose.

Yakapingula 10:3

Pacisila cakwe Tola, Yaili aiza ukufuma ku Gileadi. Wene watungulwile aina Izlaeli pa myaka amakumi yaili na yaili.

1 Samueli 18:17

Saulo pali pakunena Davidi ati, “Lola, Melabi umwana wane kaci, nyinalenzi pa yauze. Ali wino namakutwalizya. Cikulu sile ukatale ukandwisizye umukusipa nu kulwa inkondo zyakwe Yawe.” Pano Saulo welenginye ati, “Insikulonda ukukoma Davidi. Lelo aina Filisti ali yano yace yasuke yamukome.”