Mpendwa 32:14 - Amazwi Yakwe Leza 2013

¹⁴ Mwalola lyene mwe ntalanganyi mwe! Mwapyanikizya pali yaso. Mwalundapo na pa cipyu cakwe Yawe cino wakwatile aina Izlaeli lili.

Mpendwa 32:14 ပူးပေါင်းရင်းမြစ်များ

Utandiko 5:3

Lino Adamu wali ni myaka 130, umuci wamuvyalile umwana umonsi uwatozile icata cakwe isi. Nga Adamu amutemela izina ati Seti.

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

2 Milandu 28:13

Yavwanga yati, “Mutalinzile ukuleta anyepwe yayo kuno. Ndi mwacita vivyo lyene Yawe amatupeela imilandu. Uzye mukasi kuti tongezye ukwifya Yawe nu kuya amulandu wakwe cimwi? Pasi pano twatala mpiti umulandu ukulu, nga nu ukali ukulu wakwe Yawe uli pa ina Izlaeli.”

Ezila 10:10

Lyene simapepo Ezila akatuka, nu kunena antu ati, “Musi acumi apakutwala anaci ainamasi. Fwandi mwalunda penepo apa uyi wa ina Izlaeli.

Neemiya 13:18

Ivikolwe vinu ivyatandike ukucita cii cakuti Leza witu wasosile ayavunuka nu kuleta uononesi apa musumba uu. Lelo namwe kwene mukulonda ukusosya Yawe wakwe Izlaeli apa kukowezya Sabata mu musango kwene uu.”

Yobo 14:4

Aweni fwandi wino ungazana umuswepe apa antu akowele? Kusi nanti wenga!

Masamu 78:57

Yamusangukila, yata nu kumutontela, vivya kwene ndi vino ivikolwe vyao vyacitanga. Iyaya sile cuze cuze, yatalama wa ulapwa uvyongane.

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Ezaya 57:4

Aweni fwandi wino mukuseka mwati musyenteka nu tunwa? Aweni wino mukumyantwila ululimi?

Ezekelo 20:21

“Lelo nupya kwene inkulo iya nayo kwene yansangukile. Yene yasya umwi sunde lyane, yakana nu kuwaka ivipope vyane, ivintu ivilinzile kuyaletela yonsi umi ndi yakuvilondela. Yasuulila kumwi ni Sabata kwene. Nani ali pakulonda kuyafulula ukali ukali nu kuyakoma yonsi mumu kwene mu lwanga.

Mpendwa 32:15

Ndi mwala mwatalamila Yawe, nupya kwene wene alatazyela antu ya yonsi mu lwanga, nga mwemwe mulalenga kuti yalowe”.

Luka 11:48

Mwemwe yakambone, nupya mwasininkizya vino vikolwe vinu vyacisile, pano vyakomile yakasema. Lyene namwe muyakuulila vipilala vya pa malindi.

Malango 9:24

Mwemo mwasangukila Yawe ukufuma sile lino namanyile mwemwe.